बराबरी खेल्दै फ्रान्स र डेनमार्क नकआउट चरणमा

विराटनगर / फ्रान्स र डेनमार्क विश्वकप फुटवलको आज भएको खेलमा गोलरहित बराबरी खेल्दै नकआउट चरणमा प्रवेश गरेको छन् ।
समूह सीबाट फ्रान्स समूह विजेता र डेनमार्क उपविजेता हुँदै अन्तिम १६ मा प्रवेश गरेका हुन् । समूह विजेता फ्रान्सले दुई खेलमा जित र एकमा बराबरी गर्दै ७ अंकका साथ शिर्ष स्थानमा रहयो भने डेनमार्कले एक खेलमा जित र दुई खेलमा बराबरी खेल्दै ५ अंक जोड्यो ।

यसै समूहमा रहेका अष्ट्रेलिया र पेरु भने पहिलो चरणबाटै बाहिरिएका छन् । आजै भएको खेलमा पेरुले अष्ट्रेलियालाई २–० को गोल अन्तरले पराजित गरि सान्तवना जित हात पार्दै घर फर्कियो ।
पेरुलाई सान्त्वना जित दिलाउन १८ औं मिनेटमा एन्ड्रे क्यारिलो र ५० औं मिनेटमा पाउलो गुरेरोले गोल गरे ।

यी दुई देशले नकआउट चरणमा समूह डी को विजेता र उपविजेतासँग प्रतिस्पर्धा गर्नेछन्। समूह डी को अन्तिम खेल आजै हुन लागेको छ।