महानगर सुझाव संकलनमा

खबर पूर्वाञ्चल, ५ असार २०७५, मंगलवार १७:५६

विराटनगर / विराटनगर महानगरपालिकाले राजनैतिकदलका प्रतिनिधि तथा समाजका अगुवा व्यक्तिहरुसंग छलफल गरेको छ । आज भएको छलफलमा महानगरले गरेका गतिविधि र भावि दिनमा गर्नसक्ने कार्यहरुका विषयमा सुझाव लिएको थियो ।

आगामी असार १० गते महानगरको नगरसभा मार्फत वजेट ,नीति तथा कार्यक्रम पारित गर्दे छ । सो कार्यका लागि महानगरले विभिन्न संघ,संस्था र समाजिक व्यक्तित्वहरुवाट छुट्टा छुट्टै सुझाव संकलन गर्दै छ । महानगरले गरेको कार्यक्रममा सुझाव दिने अधिकांशले विराटनगरका निर्माणाधिन सडक समयमै सम्पन्न गर्नु पर्ने,खानेपानी ,विद्युत र फोहरमैला व्यवस्थापनमा ध्यानदिनु पर्नेलगायतका कुराहरु राखेका छन् ।

कार्यक्रममा विराटनगर महानगरका मेयर भीम पराजुलीले आवश्यक सवै सुझावहरुलाई कार्यान्वयनमा ल्याउने र त्यसका लागि टिपोट गरी दस्तावेज गरिन लागेको जानकारी दिए । सो कार्यक्रममा विराटनगर महानगरका उपमेयर इन्दिरा कार्की ,प्रमुख प्रशासकिय अधिकृत कुमारप्रसाद दाहाल,नेकपाका प्रतिनिधिहरु सागर थापा र शारदा मैनाली,नेपाली कांग्रेसका अरुण न्यौपाने ,राप्रपा नेपालका माधव आचार्य,राजपाका मो.नसरुल ,संयुक्त टोलसंगठनका राजेश मास्के ,केदार कार्की, पव्लिक फोरमका उत्तम ढुङेल,वपरडेककी संजु साहलगायतका व्यक्तिहरुको सहभागिता रहेको थियो ।

यो खबर पढेर तपाईलाई कस्तो महसुस भयो ?

तपाईको प्रतिक्रिया

*

खबर पूर्वाञ्चल

खबर पूर्वाञ्चल मिडिया प्रालीद्वारा सञ्चालीत खबर पूर्वाञ्चल डट कम
सञ्चालक तथा प्रवन्धक निर्देशक:
पुष्पराज थपलिया
सम्पर्क नं. ९८५२०२९८२२, ९८०७०६१९९२
Email: pushpa.biratnagar@gmail.com
सम्पादक – डिल्ली पोखरेल, ९८५२०२२३९२
सुचना तथा प्रसारण विभाग दर्ता नं. ०७५७/०७४/७५