कोशीमा अक्सिजन प्लान्ट जडान एक सातापछि उत्पादन, दैनिक ११० सिलेण्डर भरर्ने

खबर पूर्वाञ्चल, ३ श्रावण २०७८, आईतवार १८:१९
क्रेनको सायतामा प्लान्टमा अक्सिजनको उपकरण हाल्दै ।

विराटनगर/ सम्झौता गरेको भन्दा तीन महिना ढिलो गरि विराटनगरस्थित कोशी अस्तपालमा अक्सिजन प्लान्ट जडान गरिएको छ ।

अक्सिजन प्लान्ट जडानको ठेक्का पाएको काठमाण्डौंस्थित डाइनोक्यामले तीन महिना ढिलो गरि आज अक्सिजन प्लान्ट जडान गरेको हो ।

नेपाली चिकित्सकहरूको संस्था अमेरिका नेपाल मेडिकल फाउन्डेसन (ब्ल्ःक्) को १ करोड ७ लाख रुपैयाँ सहयोगमा कोशी अस्पतला परिसर भित्र अक्सिजन प्लान्ट निर्माण भएको हो । जडान गरिएको प्लान्टदेखि एक साता भित्रमा अक्सिजन उत्पादन हुने निर्माण कम्पनी डाइनोक्यामका एमडी विज्ञान अर्यालयले जानकारी दिए ।

अक्सिजन उत्पादन गर्ने उपकरण ढिलो गरि आएकोले कोशीमा अक्सिजन प्लान्ट जडान गर्न ढिलो भएको उनले बताए । ‘अक्सिजन उत्पादन गर्ने उपकरण स्वलोभाकिया भन्ने देशबाट आउन नै समय लाग्यो । भारतको कलकत्ता आइपुगेपनि केही समय लाग्यो,’ उनले भने, ‘शुक्रबार कोशी अस्पतालमा उपकरणहरु सबै आयो । आइतबारसम्म परिक्षण पुरा गरि एक साता भित्रदेखि उत्पादन सुरू हुनेछ ।’

मंसिरमा सम्झौता भई वैशाख २५ गतेभित्र कोशी अस्पतालमा अक्सिजन जडान गर्ने समझदारी भएको थियो । तर, सम्झौता अवधि सकिएर तीन महिना ढिलो गरि अक्सिजन प्लान्ट जडान भएको हो ।

हाल जडान भएको अक्सिजन प्लान्टदेखि दैनिक ९० देखि १ सय १० सिलेण्डर अक्सिजन उत्पादन गर्ने बताइएको छ । अहिले कोशीमा १ सय ५० अक्सिजन सिलेण्डरको माग रहेको अस्पतालका सुपरिटेन्डेन्ड (मेसु) डा. चुमनलाल दासले जानकारी दिए । ‘तिव्र रूपमा दोस्रो लहरको कोरोना संक्रमण फैलिदा दैनिक ३ सय ५० सिलेण्डरको माग रहेको थियो । अहिले संक्रमण दर घटदै जाँदा अक्सिजन सिलण्डेरको माग पनि घटदै गएको छ,’ मेसु दासले भने, ‘कोशीको अक्सिजन प्लान्टदेखि अक्सिजन उत्पादन भएपछि अस्पताललाई राहत हुनेछ ।’ अबको एक सातापछि कोशी अस्पतालले आफ्नै प्लान्टदेखि उत्पादन भएको अक्सिजन अस्पतालमा खपत गर्ने मेसु दाले जानकारी दिए ।

‘अक्सिजन प्लान्टमान उपकरणहरू जडान भइसकेको छ । अब परीक्षण गरिन बाँकी रहेको छ । सम्भवत आउँदो शुक्रबारदेखि नियमित रूपमा अक्सिजन उत्पादन हुनेछ ।’ कोशीको प्लान्टदेखि अक्सिजन उत्पादन भएपछि सिलेण्डर बोकेर निजी उद्योगमा जानुपर्ने समस्या पनि अन्त्य हुने उनले बताए । अहिले अस्पतालले निजी उद्योगसँग सम्झौता गरि अक्सिजन खरिद गर्दै आएको छ ।

 

 

यो खबर पढेर तपाईलाई कस्तो महसुस भयो ?

तपाईको प्रतिक्रिया

*

PABSON
SBSC
Sitala Subaa
mani Sir
MINILYAND
jagat Sir
SURENDRA

खबर पूर्वाञ्चल

खबर पूर्वाञ्चल मिडिया प्रालीद्वारा सञ्चालीत खबर पूर्वाञ्चल डट कम
सञ्चालक तथा प्रवन्धक निर्देशक:
पुष्पराज थपलिया
सम्पर्क नं. ९८५२०२९८२२, ९८०७०६१९९२
Email: pushpa.biratnagar@gmail.com
सम्पादक – डिल्ली पोखरेल, ९८५२०२२३९२
सुचना तथा प्रसारण विभाग दर्ता नं. ०७५७/०७४/७५