पूर्वाञ्चल खबर
संयुक्त वाम गठबन्धनबाट माओवादी केन्द्रका महराले आज सवा ११ बजे सभामुखमा मनोनयन दर्ता गराएका थिए । औपचारिक घोषणा भने शनिबार हुनेछ । वाम गठबन्धनको सहमती अनुसार माओवादीले सभामुख पद पाएको थियो। महरालाई सभामुखमा अघि सार्ने निर्णय माओवादी केन्द्रको सचिवालय बैठकले गरेको थियो ।
उम्मेदवारीको दर्तालगतै पत्रकारलाई संक्षिप्त प्रतिक्रिया दिँदै नेता महराले संविधान कार्यान्वयन र नयाँ कानून निर्माणका लागि आफू प्रतिबद्ध भएर लाग्ने बताए।
महराको प्रस्तावकमा पूर्वसभामुख सुवास नेम्वाङ छन् भने समर्थकमा माओवादी प्रमुख सचेतक देव गुरुङ रहेका थिए । उम्मेदवारी दर्ता गर्दा माओवादी अध्यक्ष प्रचण्ड, एमाले उपमहासचिव विष्णु पौडेलसहितका नेताहरु उपस्थित थिए ।
