पूर्वाञ्चल खबर
७२ वर्षकी जियाले बालबालिकासम्बन्धी एउटा कोषलाई दिइएको एक करोड ६१ लाख दुरुपयोगको अभियोगमा दोषी ठहर भएकी हुन् । अब उनले सन् २०१८ मा हुने संसदीय चुनाव लड्न पाउनेछैनन्। राजनीतिक रूपमा प्रेरित रहेर आफूमाथि आरोप लगाइएको उनले बताएकी छन्। जेल जाने क्रमा गहभरी आँसु बनाएकी उनले आफन्तलाई चिन्ता नगर्न र हिम्मत नहार्न आग्रह गरेकी थिइन् । आफूमाथि राजनीतिबाट प्रेरित भएर आरोप लगाइएको भन्दै उनले आफू फर्किएर आउने बताएकी छिन्।
ढाकास्थित एक अदालतमा फैसला सुनाउने क्रममा न्यायाधीशले भनेका छन्, ‘उनीविरुद्ध लागेको आरोप प्रमाणित भएको छ र, उनको सामाजिक र शारीरिक स्थितिलाई मध्यनजर गर्दै ५ वर्षको जेल सजाय सुनाइएको छ ।’
फैसला सुनाउनुअघि नै अदालत बाहिर उनका हजारौं समर्थक जम्मा भएका थिए, जसलाई तितरवितर पार्न प्रहरीले अश्रुग्यास हानेको थियो । अदालतले जियाका चार सहयोगीलाई १० वर्षको जेल सजायसमेत सुनाएको छ ।
