खबर पूर्वाञ्चल
मन्दिर निर्माण भएको ५० बर्ष पूरा भएको उपलक्ष्यमा “हामी सबैको आत्मा, शिव परमात्मा”भन्ने कुरालाई मनन गर्दै महोत्सब आयोजन गर्न लागिएको आज मन्दिरको सभाहलमा पत्रकार सम्मेलन गरी जानकारी दिइएको हो । वि।स २०२४ सालमा स्थापना भएको मन्दिरले यही माघ २९ देखि फागुन २ गतेसम्म महोत्सब आयोजना गर्न लागेको मन्दिर ब्यबस्थापन समितिका अध्यक्ष ओमप्रकाश श्रेष्ठले जानकारी दिएका छन ।
महोत्सवमा ४ लाख ५० हजार खर्च हुने समेत जानकारी गराईएको थियो । महोत्सवमा माघ २६ गते सरसफाई कार्यक्रम,२९ गते रत्तदान कार्यक्रम, नगरपरिक्रमा, कार्यक्रम उदघाटन,स्मारिका बिमोचन, फागुन १ मा बाती कात्ने प्रतियोगिता, हाजिरीजवाफ प्रतियोगिता,२ गते भजन किर्तन,सम्मान,चिठठा कार्यक्रम र समापन रहने मन्दिर ब्यबस्थापन समितिका सचिब बिकास अधिकारीले जानकारी दिए । लेटाङ बजार र मन्दिर स्थापना भएको ५० बर्ष पुगेको अबसरमा स्मारिका समेत प्रकाशन गर्न लागिएको र सो स्मारिकामा लेटाङ बिस्तृत कुराहरु समाबेश गरिएको जनाईएको छ ।
