CLASSICTECH NET

उम्मेद्वारको प्रचार शैली, एक जना बोल्ने, दुई जना सुन्ने

खबर पूर्वाञ्चल, १७ मंसिर २०७४, आईतवार १९:४५
विराटनगरको बि प्लटमा भाषण गर्दै दुवे । र भाषण सुन्दै दुई समर्थक ।

विराटनगर, १७ मंसिर/ विराटनगरको व्यस्त बजार ट्राफिकचोकदेखि झण्डै १ सय मिटर उत्तरमा रहेको बि प्लटमा आज साँझ एक दृश्य देखियो चुनाव प्रचारको ।

एक जना उम्मेदवार भाषण गरिरहेका थिए । दुई जना सुनिरहेका थिए । अन्य बजार तथा आसपासका मानिसहरु उनीहरुको त्यो दृश्य देखेर कतिपयले उम्मेदवारबारे चासो दिइरहेका थिए भने कतिपय हाँस्दै हाँस्दै हिंडिरहेका थिए । प्रदेशसभाका लागि मोरङको क्षेत्र नम्बर ६ (ख)बाट स्वतन्त्र उम्मेदवारी दिएका सुरेन्द्र दुवे जिपमा चढेर भाषण ठोकिरहेका थिए ।

अघिल्ला दिनसम्म खचाखच मानिसकाबीच भाषण भइरहने बि प्लटमा दुवेको भाषण सुन्ने दुई जना थिए । चुनाव चिन्ह जीपनै लिएर मैदानमा उत्रिएका उनले भाषणका क्रममा आफू शिक्षित, कर्मठ, व्यवहारिक एवं संघर्षशील व्यक्ति भएको भन्दै भोट मागिरहेका थिए ।

उनले आफ्नो चरित्र राम्रो रहेको, काही पनि भ्रष्टाचार नगरेको, जनताको काम गर्ने अठोट लिएको कारण भोट दिन आग्रह गरे । संस्कृतमा एमए र शिक्षा शास्त्रमा बिएड गरेको बताउने उनले आफू चुनाव जित्ने पटक–पटक दाबी गरे ।

तपाईको प्रतिक्रिया

EVREST SCHOOL KO SAMMAN
AIMS COLLEGE
SOMS COLLEGE
EDEN BORG COLLEGE
merryland college
NEPAL BUSNESH COLLEGE

खबर पूर्वाञ्चल

खबर पूर्वाञ्चल मिडिया प्रालीद्वारा सञ्चालीत खबर पूर्वाञ्चल डट कम
सञ्चालक तथा प्रवन्धक निर्देशक – पुष्पराज थपलिया
सम्पर्क नं. ९८५२०२९८२२, ९८०७०६१९९२
Email: pushpa.biratnagar@gmail.com
सम्पादक – डिल्ली पोखरेल, ९८५२०२२३९२
सुचना तथा प्रसारण विभाग दर्ता नं. ०७५७/०७४/७५