CLASSICTECH NET

६ महिनाको अवधिमा ९७ लाख २५ हजार ५ सय राजस्व असुली

खबर पूर्वाञ्चल, २ माघ २०७३, आईतवार १९:५६

२ माघ, विराटनगर/ जिल्ला ट्राफिक प्रहरी कार्यालय मोरङले चालु आर्थिक वर्षको ६ महिनाको अवधिमा ९७ लाख २५ हजार ५ सय राजस्व संकलन गरेको छ ।

चालु आर्थिक वर्षको साउनदेखि पुससम्म ६ महिनाको अवधिमा १६ हजार १ सय १८ वटा सवारी साधनलाई कारबाही गरी त्यति राजस्व संकलन गरेको कार्यालयले जनाएको छ । ट्राफिक प्रहरी निरीक्षक मदन गिरिले सबैभन्दा बढी ८ हजार २ सय ४ मोटरसाइकललाई कारबाही गरेको जानकारी दिए ।

यस्तै ६ महिनाको अवधिमा २ सय ८ वटा सवारी दुर्घटनामा परेर ५५ जनाको मृत्यु भएको छ । यस्तै अघिल्लो आर्थिक वर्ष २०७२/७३ को पुससम्म ६ महिनाको अवधिमा ३० हजार २ सय २० वटा सवारी साधनलाई कारबाही गरी १ करोड ४९ लाख १ हजार २ सय राजस्व संकलन गरिएको कार्यालयले जनाएको छ ।

तपाईको प्रतिक्रिया

खबर पूर्वाञ्चल

खबर पूर्वाञ्चल मिडिया प्रालीद्वारा सञ्चालीत खबर पूर्वाञ्चल डट कम
सञ्चालक तथा प्रवन्धक निर्देशक – पुष्पराज थपलिया
सम्पर्क नं. ९८५२०२९८२२, ९८०७०६१९९२
Email: pushpa.biratnagar@gmail.com
सम्पादक – डिल्ली पोखरेल
सुचना तथा प्रसारण विभाग दर्ता नं. ०७५७/०७४/७५