पूर्वाञ्चल खबर
विराटनगरस्थित हिमालय रोडमा मन्जिना मुभि क्रेशनको आयोजनामा असोज २५ गतेदेखि ३१ गतेसम्म सञ्चालन भएको सडक महोत्सवको अन्तिम दिन आइतबार राती स्टेट चडेका हास्य गायक श्रीकृष्ण लुईटेल ( बोके दाह्री )ले प्रस्तुति दिँदा सडक महोत्सवको माहोल तातेको थियो । बोके दाह्रीको नामले प्रसिद्ध भएका लुईटेलले साली कमला त विमला त पोइला गइ भेना समाल गित गाउँदा सडक महोत्सवमा उपस्थित दर्शकहरु निकै रोमाञ्चिक भएर नाचेका थिए । बोके दाह्रीले करिव ५० मिनेटको प्रस्तुतिमा ७ वटा केमेडियन गित गाएर सडक महोत्सवमा उपस्ति दर्शकलाई भरपुर मनोरञ्जन दिएका थिए ।
गायक लुईटेलले साली कमला त विमला त पौइला गई, तेरो बाउ थोते, लाग्यो लाग्यो बज्यो बज्यो, ये बा किन्देउन भटभटे, मुखमा हान्नु जस्तो, डल्लेको बहिनी र बाँके बर्दिया बोलको गितबाट प्रस्तुति दिँदा दर्शकको हुटिङले सडक महोत्सवको माहोल तातेको थियो । तस्वीर : पुष्पराज थपलिया
