खबर पूर्वाञ्चल
विराटनगरको भब्या इन्टरनेसनलमा ब्याट्री पड्किएर आगो लागेको प्रारम्भिक जानकारी रहेको छ । उक्त पसलमा बिजुलीबाट चल्ने साइकल तथा सिटि सफारी बेचिने गरेको थियो ।
अहिले विराटनगर महानगरपालिकाको दमकलले आगो निभाउने प्रयास गरिरहेको छ । अहिले ३ वटा दमकलले आगो निभाउने प्रयास गरिरहेका छन् । आगो के कारणले लागेको हो भन्ने निस्कर्ष निस्किएको छैन ।
भब्या इन्टरनेशनलसँगै बजाजको सो–रुम पनि छ । आगोले इलेक्ट्रिक पसल पूर्णरूपले जलेको छ । सो–रुममा पनि क्षति पुगेको छ ।
पूर्वतिरबाट हावा चलेका कारण आगो नियन्त्रणका कठिनाइ भइरहेको छ । दमकलको सहयोगमा प्रहरी र स्थानीयले आगो नियन्त्रणको प्रयास जारी राखेका छन् । तर, नियन्त्रणमा आउन सकिरहेको छैन ।
आगो नियन्त्रणमा आइनसकेका कारण क्षतिको यकिन विवरण प्राप्त भइसकेको छैन । आगोले बिजुलीको पोलमा टाँगिएका केवल, इन्टरनेटलगायतका तारहरु पनि जलेको छ । ब्याट्री पड्किएर आगो लागेको हुनसक्ने प्रहरीको अनुमान छ ।
