पूर्वाञ्चल खबर
कलेजका शिक्षक, विद्यार्थी तथा कर्मचारीबाट संकलित उक्त रकम आज उच्च शिक्षालय तथा माध्यमिक विद्यालय संघ नेपाल, मोरङमार्फत उक्त रकम प्रधानमन्त्री दैवी प्रकोप उद्धार कोषमा जम्मा हुने गरी हस्तान्तरण गरेको हो । कलेजले सहयोग रकम बराबरको चेक उच्च शिक्षालय तथा माध्यमिक विद्यालय संघ नेपाल, मोरङलाई प्रदान गरेको छ ।
विराटनगरस्थित कलेज परिसरमा आयोजित कार्यक्रममा उच्च शिक्षालय तथा माध्यमिक विद्यालय संघ नेपालका केन्द्रीय सचिन राजेश कार्की, मोरङका अध्यक्ष अमित ढकाल र सचिव भुवन नेपाललाई कलेजका प्रिन्सिपल मनिष भट्टराईले चेक हस्तान्तरण गरेका थिए ।
भोटेकोशी नदीमा आएको बाढी तथा रसुवा, नुवाकोट, धादिङलगायत जिल्लामा विपद्बाट प्रभावित नागरिकको सहयोगका लागि विद्यालयले सामाजिक उत्तरदायित्वअन्तर्गत उक्त रकम उपलब्ध गराएको जनाएको छ ।
कलेजका प्रिन्सिपल भट्टराईले प्राकृतिक विपत्तिको कठिन घडीमा पीडित नागरिकलाई सहयोग गर्नु निजी क्षेत्रको पनि दायित्व भएको बताए ।
‘विपद्को समयमा निजी क्षेत्र, विभिन्न संघसंस्था र आम नागरिक एकजुट भएर प्रभावित समुदायको घाउमा मलम लगाउनुपर्छ,’ उनले भने ।
विद्यालयले यसअघि पनि विभिन्न सामाजिक कार्य तथा दैवी विपत्तिका बेला सहयोग गर्दै आएको प्रिन्सिपल भट्टराईले बताए ।
