पूर्वाञ्चल खबर
एक्स्पोको सुरुवातमा त्यति उत्साहित नदेखिएपनि २ दिनयता मेलामा आउने अवलोकनकर्ताको भीड बढेको छ । आजसम्ममा १ लाख ७५ हजार बढीले मेलाको अवलोकन गरिसकेको मेला आयोजक समितिका संयोजक तथा उद्योग संगठन मोरङका अध्यक्ष मुकेश उपाध्यायले जानकारी दिए ।
मेलामा राखिएका कृषि औजार तथा विऊ विजनमा आकर्षण रहेको उपाध्यायले बताए । यस्तै ५ वटाबढी टोयटा, ५ वटा सामे ट्याक्टरसहित अन्य गाडीहरुको विक्री पनि भएको उपाध्यायले बताए ।
रोजगार मेलामा रोजगारी खोजीका लागि आउने युवाहरुको भीड छ’, उपाध्यायले भने, ‘हेली सिटी र माउन्टेन फ्लाइटमा पनि आकर्षण छ ।’ यस्तै मेलामा राखिएको चौंरी गाई हेर्नेको भीड छ । खाद्य वस्तुको विक्री पनि बढेको छ । कृषिसँग सम्बन्धीत औद्योगिक उत्पादन चिया, छुर्पीलगायतका वस्तुको पनि विक्री भएको उनले बताए ।
अहिलेसम्मको कारोबार हेर्दा अनुमान भन्दा बढी कारोबार भएको उपाध्यायले जानकारी दिए । महोत्सवमा ३० देखि ३२ करोड बराबरको कारोबार हुने अपेक्षा गरिएको थियो ।तस्वीरहरु -पुष्पराज थपलिया/ खबरपूर्वाञ्चल
