उद्योग फस्टाए मुलुक समृद्ध हुन्छ : प्रदेश प्रमुख अधिकारी

खबर पूर्वाञ्चल, २० भाद्र २०७८, आईतवार २२:१४

विराटनगर / प्रदेश १ का प्रदेश प्रमुख सोमनाथ अधिकारी ‘प्यासी’ले मोरङ र सुनसरीका उद्योगहरुबाट उत्पादित वस्तुका सम्वन्धमा आज अवलोकन एवं जानकारी लिएक छन् ।

कोरोना महाकारीका कारण लामो समयदेखि थलिएका उद्योगहरुको अवस्था बुझ्ने उद्देश्यले उहाँले उद्योगहरुको अवलोकन गर्न भएको उनका प्रेस सल्लाह खेमराज अधिकारीले जानकारी दिए ।

प्रदेश प्रमुख अधिकारीले मोरङको कटहरी गाउँपालिका —३ मा स्थित लोट्स इन्डष्ट्रिज प्रा.लि., बुढीगंगा गाउँपालिका —स्थित प्रिमियर इन्डष्ट्रिज प्रा.लि. तथा सुनसरीको दुहवी नगरपालिका, सोनापुर स्थित एसिया विस्कुट प्रा.लि.र एशियन थाई फुड्स प्रा.लिको अवलोकन गरे । उनले अवलोकनको क्रममा उद्योगका प्राविधिकहरुले उद्योगका विविध पक्षका सम्वन्धमा राखिएको जिज्ञसाको जवाफ दिएका थिए ।

सो अवसरमा प्रदेश प्रमुख अधिकारीले उद्योगपतिहरुसँगको अनौपचारिक भेटघाटको क्रममा उत्पादित बस्तुको गुणस्तरमा ध्यान पु¥याउनु पर्नेमा जोड दिदै “कामदार, उद्योगी र सरकार यी तीन पक्षको एकयबद्धता भयो भने उद्योग फस्टाउँछ र देश समृद्ध बन्छ ।” सरकारले उद्योगीहरुलाई सदैव साथ समर्थन रहने उनले बताए ।

यो खबर पढेर तपाईलाई कस्तो महसुस भयो ?

तपाईको प्रतिक्रिया

*

खबर पूर्वाञ्चल

खबर पूर्वाञ्चल मिडिया प्रालीद्वारा सञ्चालीत खबर पूर्वाञ्चल डट कम
सञ्चालक तथा प्रवन्धक निर्देशक:
पुष्पराज थपलिया
सम्पर्क नं. ९८५२०२९८२२, ९८०७०६१९९२
Email: pushpa.biratnagar@gmail.com
सम्पादक – डिल्ली पोखरेल, ९८५२०२२३९२
सुचना तथा प्रसारण विभाग दर्ता नं. ०७५७/०७४/७५