पूर्वाञ्चल खबर
रंगेली/ मोरङ सुनवर्षी ८ हर्चनगढी स्थितबाट ३ भारतिय नागरिक हतियारसहित पक्राउ परेका छन् ।
विहिबार राती कटुवा पेस्तोलसहित तीन जना भारतीय नागरिकलाई पक्राउ गरेको इप्रका रंगेलीका प्रहरी निरिक्षक खनाथ दाहालले जानकारी दिए । पक्राउ पर्नेमा जिल्ला अररिया धर्मगंज पंचायत पलासी थाना डकैता भारतका २१ बर्षीय अजयकुमार मण्डल, १८ बर्षीय आन्नदकुमार मण्डल र २१ बर्षीय राकेशकुमार साह रहेका मोरङ प्रहरीले जनाएको छ ।
हर्चनगढी स्थितमा रहेको एक घरमा मादक पदार्थ सेवन गरी बसिरहेका उनीहरुको साथमा १ थान कटुवा पेस्तोल, १ राउण्ड गोली र उनीहरुले प्रयोग गरेको १ थान १५० सिसिको पल्सर मोटरसाईकलसहित नियन्त्रणमा लिईएको ईलाका प्रहरी कार्यालय रंगेलीले जनाएको छ ।
पक्राउ परेका भारतीय नागरिकलाई प्रहरीले हातहतियार खरखजना अन्तर्गत जिल्ला अदालत मोरङमा म्यात थप गरि अनुसन्धान भईरहेको जनाएको छ ।
