पूर्वाञ्चल खबर
सुनसरी/ सुनसरी बराहक्षेत्र ७ देविघाट बस्ने नरबहादुर बर्देवाको छोरी १५ बर्षीया मौसम बर्देवा मृत अवस्थामा फेला परेकी छिन ।
हिजो दिउँसो ०२ बजे घरबाट कोहि कसैलाई नसोधि हिडेकी मौसम आज दिउँसो ०३ बजे सुनसरी बराहक्षेत्र ६ ठाकुरबारीको कोशी किनारमा मृत अवस्थामा फेला परेकी हुन ।
घोप्टो परेको अवस्थामा मृत फेला परेकी बालिकालाई स्थानीय गोठालाले देखि ईलाका प्रहरी कार्यालय महेन्द्रनगरमा जानकारी गराएका थिए । घटनाको जानकारी पाउनसाथ स्थानीय सहित घटनास्थलमा खटिएको प्रहरी टोलीले बालिकाको पहिचान गरेको हो । घटना सम्बन्धमा थप अनुसन्धान भईरहेको जिल्ला प्रहरी कार्यालय सुनसरीले जनाएको छ ।
