पूर्वाञ्चल खबर
विराटनगर / झापामा एक व्यक्तिले लिभिङ्ग टुगेदरमा रहेकी प्रेमिकाकाको हत्या गरेको खुलेको छ ।
झापाको गौरादह नगरपालिका–६ दामुना बजार घर भएका ४५ वर्षीय पुण्य चूँडालले दुई वर्षदेखि सँगै बस्दै आएकी प्रेमिकाको हत्या गरेको खेलेको हो । हत्या गरेर फरार भएका चुँडाललाई इलाका प्रहरी कार्यालय सिजुवाको टोलीले टोलीले मोरङको उर्लाबारीस्थित दुर्गापुरीबाट हिजो राति पक्राउ गरेको छ । चुडालले गत आइतबार मोरङको रतुवामाइ नगरपालिका – ६ स्थित हत्या गरेको प्रहरीले जनाएको छ । चुँडालले आफ्नो प्रेमिका हत्या गरको तीन दिनपछि प्रहरीले पक्राउ गरेको हो ।
हत्या गरिएकी अन्दाजी ३५ वर्षीया महिलाको पहिचान खुल्न नसकेको प्रहरीले जनाएको छ । स्थानियका अनुसार हत्या भएको महिलालाई चुडालले सृजना भनेर बोलाउने गरेका थिए ।
गत शनिबार बिहान रतुवामाई नपा–६ का हरिबहादुर खड्काको खाली रहेको ग्वाली घरमा शरीर भरी नलिडाम र चोटपटक रहेको अवस्थामा ती महिला अचेत भेटिएकी थिइन् । प्रहरीले उद्धार गरेर उपचारका लागि विराटनगरको कोशी अस्पताल ल्याएकी उनको आइतबारराति मृत्यु भएको थियो ।
दुई वर्षदेखि ती महिला पुण्यसँगै हिँड्ने गरेको र अत्यधिक मदिरा सेवन गरेर हिँड्न नसकेको भन्दै ग्वालीमा ल्याएर छाडेर काम गर्न जान्छु भन्दै त्यहाँबाट उनी हिँडेको जानकारी स्थानीय बासिन्दाले प्रहरीलाई दिएका थिए ।
पक्राउ परेका पुण्य विरुद्ध बुधबार कर्तव्य ज्यान मुद्दा चलाउन म्याद थप गरेर अनुसन्धान अघि बढाइएको प्रहरीले जनाएको छ ।
