पूर्वाञ्चल खबर
विराटनगर / प्रहरीले मोरङ रङ्गेली नगरपालिका –३ पिपल चोकस्थित दोहमनाबाट कर्सियातर्फ अवैध रूपमा ल्याउदै गरेको १० वटा गाई नियन्त्रणमा लिएको छ ।
अस्थायी प्रहरी चौकी बेतौनाबाट खटिएको प्रहरी गस्ती टोलीले गाई फेला पारी नियन्त्रणमा लिएको हो ।
त्यस्तै सोमबारनै प्रहरीले विराटनगर महानगरपालिका– १२ स्थित भित्री सडक खण्डमा प्रहरी चौकी बखरीबाट खटिएको प्रहरी टोलीले चेकजाँच गर्ने क्रममा अवैध किरानाको सामान बरामद गरेको छ ।
सार्वजनिक अटोमा भारतबाट नेपालतर्फ अवैध रूपमा ल्याउदै गरेको अन्दाजी ७० हजार बराबरको किराना मालसामानहरू बरामद गरी आवश्यक कारवाहीको विराटनगर भन्सार कार्यालयमा ु बुझाईएको प्रहरीले जनाएको छ । सोही दिन प्रहरीले भारतबाट भन्सार छली चोरी पैठारी गरी ल्याउदै गरेको अन्दाजी ५० हजार बराबरको लत्ताकपडा फेला पारी आवश्यक कारवाहीको लागि भन्सार कार्यालय बुझाएको छ ।
