RUMPUM
animated ellipse animated ellipse

भेट्रान्स कपको फाइनलमा सिद्राहा

KhabarPurwanchal-Logo

खबर पूर्वाञ्चल

१७ भाद्र २०७९, शुक्रबार १५:०९
369
Shares
विराटनगर .विराटनगरमा जारी मुस्ताङ विराट मेघा भेट्रान्स फुटबल प्रतियोगिताको फाइनलमा सिद्राहा भेट्रान प्रवेश गरेको छ ।
बिहीबार राति सम्पन्न खेलमा आयोजकको विराट भेट्रान क्लबलाई २ गोलकाविरुद्ध ३ गर्दै मोरङको सिद्राहा भेट्रान क्लब फाइनलमा प्रवेश गरेको छ । शुक्रबार जहदा भेट्रान क्लब र विराटनगरको मिल्स भेट्रान क्लबबीचको विजेतासँग उपाधि जितका लागि खेल्ने छ ।

आयोजकले खेलको सुरुआतीमै गोलका राम्रा अवसर चुकाउँदा पाहुना टोलीलाई खेल सुम्पन्नु प¥यो । सिद्राहाले मध्यान्तर अघि २ गोलले अग्रता लिँदै विराटलाई केही दबाबमा राख्न खोजे पनि कडा रक्षापंक्तिका कारण गोल गर्न सकेन । खेलको अन्तिम समयमा विराटका खेलाडीले विपक्षीलाई दबाबमा राख्दै २ गोल फकउिन सफल भए ।

खेलको २१ औं मिनेटमा सिद्राहा हर्कराम गुरुङले गोल गर्दै टोलीलाई अग्रता दिलाए । त्यस लगत्तै २६ औं मिनेटमा पुनः गुरुङले टोलीका लागि दोस्रो गोल गर्दै अग्रतालाई दोब्बर बनाए । आयोजक विराटका लागि कृष्ण शाक्यले ६४ र ६८ औं मिनेटमा गोल गरेका थिए ।

विराट मेघा स्पोर्ट्स एकेडेमीले आयोजना गरेको खेलको म्याद अफ द म्याच सिद्राहाका विनय चौधरी घोषित भए ।

प्रतियोगितामा मोरङ, सुनसरी, झापा र मधेस प्रदेशको लाहानबाट टोलीको सहभागिता रहेको छ । मोरङको मिल्स भेट्रान क्लब, हाटखोला भेट्रान क्लब, जहदा भेट्रान क्लब, सिद्राहा भेट्रान क्लब, आयोजकको विराट मेघा भेट्रान क्लबको ‘ए’ र ‘बि’ गरी ६ टोली रहेका छन् । त्यसैगरी, झापाबाट दुधे भेट्रान क्लब, सुनसरीबाट दुहवी भेट्रान क्लब र मधेस प्रदेशबाट लहान भेट्रान क्लबले रहेका छन् ।

प्रतियोगिताको विजेताले नगद १ लाख रुपैयाँ र उपविजेताले नगद ५० हजार रुपैयाँका साथै ट्रफी प्राप्त गर्ने छन् ।

यो खबर पढेर तपाईलाई कस्तो महसुस भयो ?

तपाईको प्रतिक्रिया

*

फोटो फिचर