पूर्वाञ्चल खबर
विराटनगर / मोरङको विराटनगरबाट लागूऔषध सहित एक महिला पक्राउ परेकी छिन् ।
विराटनगर १५ भन्सार कार्यालयको १ नम्बर ढाटबाट सुनसरी धरान उप महानगरपालिका १९ की ३५ वर्षिय सिर्जना राईलाई लागूऔषधसहित आज प्रहरीले पक्राउ गरेको हो । सिमा प्रहरी चौकी रानीबाट खटिएको प्रहरी टोलीले राईलाई लागूऔषध लुपिजेसिक २२ एम्पुल, एभिल २२ एम्पुल, डाईजेल्याब २२ एम्पुल र फेनारागन ४ एम्पुलसहित पक्राउ गरेको मोरङ प्रहरीले जनाएको छ । बरामद लागूऔषध सहित राईलाई इलाका प्रहरी कार्यालय रानीमा राखि थप अनुसन्धान भईरहेको मोरङ प्रहरीले जनाएको छ ।
