पूर्वाञ्चल खबर
वडादशै, दिपावली, छठ –२०७५ को उपलक्ष्यमा मोरङ व्यापार संघले आज विराटनगरमा आयोजना गरेको शुभकामना आदान कार्यक्रममा मुख्यमन्त्री राईले “समृद्ध नेपाल र सुखी नेपाली” को परिकल्पना साकार पार्न सवै नेपाली वीच एक आपसमा भाईचार र सदभाव कायम गरी अगाडी बढ्नु पर्नेमा बताए ।
नेपालीहरुका विभिन्न चाडपर्वले विभिन्न समुदाय वीच आपसी भाइचारा र एकतामा बाध्ने गरेको वताउदै मुख्यमन्त्री राईले देशको विकासमा समेत सबै एकजुट भै अगाडि वढनु पर्नेमा जोड दिए ।
प्रदेशका सभामुख प्रदीपकुमार भण्डारीले एकताको सुत्रमा बाध्ने हाम्रा चाडपर्वहरुले देशमा सुख शान्ति कायम गर्न सफल रहुन भनी सुभकामना दिए ।
कार्यक्रममा प्रदेश १ का उपसभामुख, प्रदेश मन्त्री, राजनीतिक दलका व्यक्तिहरु, सुरक्षा निकायका प्रमुख तथा प्रतिनिधि, उद्योगी,व्यापारी, सञ्चारकर्मीलगायतका व्यक्तिहरुको उपस्थीत रहेको थियो ।
मोरङ व्यापार संघका अध्यक्ष पवनकुमार सारडाको सभापतित्वमा कार्यक्रम भएको थियो ।
