पूर्वाञ्चल खबर
मलेसियाको यूकेएम यूएसडी ओभलमा टस हारेर पहिलो ब्याटिङ गरेको बहराइन ३६ दशमलव २ बलमा सवै विकेट गुमाउँदै ८७ रनमा सिमित भयो । बहराइनकालागि फियज अहमदले १५ रन बनाउँदा महमद वासिमले १३ रन र पुछारका ब्याटर अलि दाउदले १० रनको योगदान दिए ।
करिव ५ वर्षपछि कप्तानीमा फर्केका कप्तान सन्दीप लामिछानेले ५ विकेट लिए । उनले १० ओभरमा ४ मेडन राख्दै १४ रन माात्र दिए । त्यस्तै ललित राजवंशीले ६ दशमलव २ बलमा १ मेडन राख्दै २० रन खर्चेर ३ विकेट लिँदा करण केसीले २ विकेट लिए ।
नेपाल क्रिकेट संघ क्यानले गत महिना रोहितकुमार पौडेललाई हटाएर सन्दीपलाई कप्तानी जिम्मेवारीमा फर्काएको थियो । सन्दीप कप्तानमा फर्किएपछि नेपालको यो पहिलो आधिकारिक खेल हो ।
