खबर पूर्वाञ्चल
विद्यार्थीहरुको नेतृत्व क्षमता र लोकतान्त्रिक चेतना विकासमा यो प्रक्रियाले सकारात्मक प्रभाव पारेको छ। निर्वाचनमा विद्यालयका क्याप्टेन, उपक्याप्टेन , हाउस क्याप्टेन पदहरुका लागि विद्यार्थीहरुले उत्साहपूर्ण सहभागिता जनाएका थिए। उम्मेदवारी दर्तादेखि प्रचारप्रसार, मतदान, मतगणना, र नतिजा प्रकाशनसम्मका प्रक्रियाहरु शिक्षकहरुको निगरानीमा विद्यार्थीलेनै कुशलतापूर्वक सम्पन्न गरेका थिए।
यो प्रक्रियामा सहभागी विद्यार्थीहरुले विद्यालयमा पढाइमात्र होइन, सामाजिक र लोकतान्त्रिक मूल्य मान्यता बुझ्ने र व्यवहारमा उतार्ने अवसर पाएको प्रतिक्रिया दिएका छन्।
स्कुल क्याप्टेनमा छात्रबाट निरञ्जन मिश्र कक्षा ९ र छात्राबाट तृश्ना मैनाली कक्षा ९ , उपकप्तानमा छात्रतर्फ अमित सिंह कक्षा ९ र छात्रा स्वस्तिका चापागाई कक्षा ९, अतिरिक्त क्रियाकलाप छात्रतर्फ विप्लव मण्डल कक्षा ९ र र छात्रातर्फ मनिषा राजवंशी कक्षा ९ चयन हुन सफल भए ।
हाउस क्याप्टेनमा रातो हाउसबाट अभिषेक कुमार शाह र बर्सिका न्यौपाने, हरियो हाउसबाट अङ्कित राजवंशी र थनिषा पोख्रेल, निलो हाउसबाट युवराज शाह र सृष्टि परियार र पहेलो हाउसबाट अनमोल सिंह र सफला श्रेष्ठ छनोट भए। छनोट भएका सम्पूर्ण १४ जना विद्यार्थीको गुणस्तर सर्कल मञ्च बनाएर विद्यार्थीहरू एकत्रित भएर विद्यालय भित्र गुणस्तर, नवप्रवर्तन र निरन्तर सुधारको संस्कृतिलाई प्रवर्द्धन गर्छन्।
निर्वाचित प्रतिनिधिहरूलाई छिट्टै औपचारिक रुपमा पद तथा गोपनियताको शपथ ग्रहण गराइने जनाइएको छ। उनीहरूलाई चालु शैक्षिक सत्रभर विद्यालयको नेतृत्वदायी भूमिकामा सक्रिय रुपमा संलग्न गराइने छ।
