खबर पूर्वाञ्चल
अन्तर्राष्ट्रिय कथावाचिका भागवत मञ्जरी राधिका दासीले श्रीमद्भागवत महायज्ञको कथा वाचन गर्ने छिन् ।
विराटनगर–१० मा रहेको श्री संसारी माइस्थान संरक्षण समितिले सप्ताहव्यापी ज्ञान भागवत महायज्ञको आयोजना गरेको हो । आजदेखि सुरु भएको श्रीमद्भागवत महायज्ञ २९ गतेसम्म हुनेछ । ७ दिनसम्म राधिका दासीले श्रीमद्भागवत महायज्ञको कथा वाचन गर्ने छिन् ।
श्रीमद्भागवत महायज्ञको कथा वाचन सुरु हुनु अघि आज विहान विराटनगर महानगरपालिकाका मेयर नागेश कोइरालाको अगुवाइमा कलश यात्रा निकालिएको थियो । जुन कलश यात्रामा कथावाचिका राधिका दासी सहभागि भइन । नेपाली कांग्रेसका नेता एवं संघिय सांसद डा. शेखर कोइरालाले श्रीमद्भागवत महायज्ञको उद्घाटन गरेका थिए ।
श्री संसारी माइस्थान संरक्षण समितिका अध्यक्ष कृष्णबहादुर मास्के र श्रीमद्भागवत महायज्ञ मुल आयोजक समितिका संयोजक हरिभक्त सिटौलासहित आयोजक समितिका पदाधिकारी र सदस्यहरू श्रीमद्भागवत महायज्ञलाई भव्य रुपमा सम्पन्न गर्न जोडतोडका साथ काम गरिरहेका छन् ।
