मुन होटलका संचालकमाथि खुकुरी प्रहार दुई जना पक्राउ

भगतलाई खुकुरी प्रहार गरेको आरोपमा प्रहरीले विराटनगर १२ का सावन दास र विराटनगर १० का विनोद रोयलाई आज पक्राउ गरेको हो । प्रहरीले उनीहरुलाई धरानबाट नियन्त्रणमा लिएको मोरङ प्रहरीका निमिक्त प्रवक्ता प्रहरी निरीक्षक हेमराज ओलीले जानकारी दिए । उनीहरुलाई ज्यान मार्ने उद्योगमा प्रहरीले म्याथ थप गरी अनुसन्धान गर्ने तयारी गरेको छ । ‘पक्राउ अनुमति लिएपछि फरार भएकाहरुलाई नियन्त्रणमा लिएको हो,’ उनले भने ।

पीडितले पक्राउ परेका दुईसहित तीन जना विरुद्ध ज्यान मार्ने उद्योगमा जाहेरी दिएका छन् । दुई जना पक्राउ परेका छन भने अर्का एक जना फरार छन् । फरार भएका विराटनगर ८ का जमिर खानलाई पनि प्रहरीले खोजी कार्य जारी राखेको छ । होटल संचालक भगतलाई मंगलबार साँझ खुकुरी हानेपछि फरार भएका थिए । सञ्चालक भगतसँग मुन होटल तथा गीत गजलमा पार्टनर राख्नुपर्ने भन्दै उनीहरुले बारम्बार दवाव दिदैं आएको दावी छ । पार्टनर राख्न नमानेपछि आक्रमण गरेको बुझिएको छ ।