खबर पूर्वाञ्चल
भादौ २० गते लागुऔषध नियन्त्रण ब्युरो काँकरभिट्टाबाट खटिएको प्रहरी टोलीले चेक जाँचको क्रममा झापाको मेचीनगर नगरपालिका ६ स्थितबाट भारत वेष्ट वंगालका २२ बर्षीय मनोज शर्मालाई १ ग्राम , मोरङ बेलबारी नगरपालिका ४ का २८ बर्षीय विरेन लोवालाई १० ग्राम, दमकनगरपालिका ९ का २४ बर्षीय तिलक मग्रातीलाई १ ग्राम र सप्तरी सुरुङ्गा नगरपालिका १ का २२ बर्षीय एलन बिष्टलाई ६ ग्राम ब्राउन सुगरसहित पक्राउ गरेको छ ।
यसैगरी भोजपुरको प्रहरी चौकी प्याउलीबाट खटिएको प्रहरी टोलीले चेकजाँचको क्रममा भोजपुर नगरपालिका ९ का ३१ बर्षीय जसिन राईलाई ३ ग्राम ७६ मिलि ग्राम ब्राउन सुगरसहित र इलामको प्रहरी चौकी दानाबारीले माई नगरपालिका १ का ३५ बर्षीय तिर्थ गिरीलाई १ ग्राम ८२० मिलिग्राम ब्राउन सुगरसहित पक्राउ गरेको छ ।
ब्राउन सुगरसहित पक्राउ परेका उनीहरुको सम्बन्धित प्रहरी कार्यालयबाट थप अनुसन्धान भईरहेको कोशी प्रदेश प्रहरी कार्यलय विराटनगरले जनाएको छ ।
तपाईको प्रतिक्रिया