समालबङ / सुर्याेदय नगरपालिका – ५ समालबुङमा चार परिवारकाे उठिवास लागेकाे छ ।
करिव २ साता अघिदेखी शुर भएकाे पहिराेले मेचिकिनार टाेलका लालबहादुर देवान,साखबहादुर देवान, कुसुम देवान र बदप्रसाद देवानकाे करिव ४५ राेपनी जग्गा बगिसकेकाे छ । पहिराे घर नजिकै आईसकेकाे कारण नजिकैकाे गाेठमा आश्रय लिन बाध्य भएको पिडित लालबहादुरले बताए । पहिराेले लालबहादुरकाे अलैची र अमलिसाे वगान रहेकाे २० राेपनी,साखबहादुरकाे चियावारी रहेकाे २० राेपनी र बेल प्रसादकाे ५ रोपनी जमिन बगाइसकेको छ । गत असार २३ गतेवाट लगातार ३ दिन पहिराे गएर ४ परिवार बिस्तापित भएकाे जानकारी शसस्त्र प्रहरी,वडाकार्यलय,नगर पालिकामा आफुले जानकारी गराएपनि शसस्त्र प्रहरीले अनुगमन गरेर मुजुल्का गरेको छ ।
पिडितलाई रेडक्रसले एकथान कम्वल र त्रिपाल बितरण गरेपनि नगरपालिकाले वास्ता नगरेको मेचीकिनार टोल बिकास सस्थाकी संयोजक जयन्ती गिरीले बताइन्।गिरीका अनुसार तत्काल पिडितलाई सुरक्षित स्थानमा पुर्नवास गराएर दिर्घकालिन योजनामा लाग्नु पर्ने अवस्था रहेको छ । वडाध्यक्ष उर्गेन बम्जनले पहिरो पिडितकोमा पुगेर स्थलगत अध्यायन गरि पिडित मध्येका तीन परिवारलाई सुरक्षित स्थानमा अस्थाई स्तान्तरण गरिएको र पिडित मध्ये संख देवानलाई सार्ने तैयारी भईरहेको वताए । वडाले बिस्थापित परिवारहरुको लागि राहत र पुर्नवासको लागि आवश्यक कागजी प्रकृया सकेको सुर्योदय नगरपालिका बिपत ब्यवस्थापन समितिले अनुगमन गरि आवश्यक निर्णय गर्ने अध्यक्ष बम्जनले बताए ।
यता नगर बिपत ब्यवस्थापन समितिका संयोजक राजकुमार सेरेङले प्रहरी मुजुल्का आइसकेको छ वडाध्यक्षसँग समन्वय गरिरहेकोले जिल्ला दैबीप्रकोपमा प्रमुख जिल्ला अधिकारीको सिफारिसमा प्रदेश र केन्द्र पाउने तयारी भएको बताए ।
नगरको कार्यबिधी अनुसार कर्कटपाता ,आवस्यक अनुसार नगद १०/२० हजारसम्म दिने ब्यावस्था भएकोले त्यस्को ब्यावस्था गरिने बताएका छन् । विपत परिसकेपछि स्थानिय सरकारले गरेको प्रकृयागत ढिलाईले पिडामाथि थप पिडा थपिदैगएको पिडितको गुनासो रहेको छ ।
