सुम्निमा स्कुलका २५ जना विद्यार्थी दिक्षित

स्कुलले आज एक भव्य कार्यक्रम आयोजना गरी प्रि–प्राइमरी तह उत्तीर्ण गरी प्राइमरी तहमा प्रवेश गरेका विद्यार्थीहरुलाई दिक्षित गरेको हो । दिक्षित भएका विद्यार्थीहरूलाई प्रमाणपत्र पनि विद्यालयले वितरण गरेको थियो ।

सोही अवसरमा विद्यार्थीहरूले साँस्कृतिक नृत्य र फेशन शो देखाएर सहभागि भएका अभिभावक, अतिथि र सहभागिहरुलाई भरपुर मनोरञ्जन प्रदान गरे । कार्यक्रमको प्रमुख अतिथि विराटनगर ११ का वडाअध्यक्ष तिथेन्द्र न्यौपाने रहेका थिए ।
कार्यक्रममा बोल्दै वडाअध्यक्ष न्यौपानेले गुणस्तरीय शिक्षासँगै सिपयुक्त शिक्षा प्रदान गरेर अगाडी बढनुपर्नेमा जोड दिए ।

कार्यक्रममा विद्यालयकी प्रिन्सिपल शितला सुब्बाले विद्यार्थीहरुलाई गुणस्तरीय शिक्षासँगै अतिरिक्त क्रियाकलापमा पनि विशेष जोड दिएर अगाडी बढेको बताइन् । उनले विद्यार्थीहरूको प्रतिभा उजागर गर्नको लागि विद्यालयले विभिन्न कार्यक्रमहरु गर्दै आएको बताइन् ।