खबर पूर्वाञ्चल
विराटनगर जुटमिलको खेलमैदानमा आज सम्पन्न भएकाे फाइनलमा विराटनगर १२ नं. वडालाई ६-३ गाेलले हराउँदै विराटनगर ११ ले उपाधि जितेकाे हाे ।
उपाधि संगै विराटनगर ११ ले ३१ हजार रुपैयाँ हात पार्याे । उपबिजेता विराटनगर १२ ले २१ हजार रुपैयाँमा चित बुझायाे । जितकाे लागि विराटनगर ११ का सागर तिवारीले दुई गाेल, मनाेज मरिक , ज्याेति मरिक, भुवन बस्नेत र बिवेक राइले १-१ गाेल गरे ।
विराटनगर १२ काे तर्फबाट राेशन राई ,अनुराेध चौधरी र बिमल राजवंशीले १-१ गाेल फर्काए । फाइनल खेलकाे म्यान अफ द फाइनल विराटनगर १२ का बिकास मगर घोषित भए । उनले १ हजार १ सय रुपैयाँ पुरस्कार पाए । खेलकाे म्यान अफ द सिरिज विराटनगर १२ का ज्ञानेन्द्र मगर, हाइस्काेर विराटनगर ११ का सागर तिवारी घाेषित भए । सागरले प्रतियाेगिता भरिमा चार गाेल गरे।
विराटनगर १५ को आयोजना र मिल्स भेट्रान रानी विराटनगरकाे संयाेजनमा भएको उक्त प्रतियोगितामा विराटनगरका आठ टिमको सहभागि रहेको विराटनगर १५ का वडा अध्यक्ष प्रकाश साहले जानकारी दिए । बिजेता हुने खेलाडीलाई पुरस्कार वितरण विराटनगर १५ का वडा अध्यक्ष प्रकाश साह, विराटनगर १६ का वडाअध्यक्ष उद्वब भुजेल, विराट गाेल्डकप टस्टका अध्यक्ष किशाेर शाहीले पुरस्कार बितरण गरे ।
तपाईको प्रतिक्रिया