RUMPUM
animated ellipse animated ellipse

कोशी अस्पताल कर्मचारी युनियनको अध्यक्षमा डा. रोशन

KhabarPurwanchal-Logo

खबर पूर्वाञ्चल

१७ माघ २०८०, बुधबार १८:५२
981
Shares
विराटनगर / कोशी अस्पताल विकास समिति कर्मचारी युनियन इकाइको अध्यक्षमा डा. रोशन खड्का निर्वाचित भएका छन् ।

विराटनगरमा भएको इकाइको दोस्रो जिल्ला अधिवेशनबाट उमेशकुमार यादवलाई भारी मतअन्तरले हराउँदै खड्का अध्यक्षमा निर्वाचित भएका हुन् ।

मंगलबार राती आएको मत परिमाण अनुसार खड्काले २१८ मत ल्याएर अध्यक्षमा निर्वाचत हुँदा उनका प्रतिस्पर्धी यादवले ३५ मत मात्र पाए । उपाध्यक्षमा इन्दिरा भण्डारी १३५ मत ल्याएर निर्वाचित भइन् । उनकी प्रतिस्पर्धी रेजिना राईले ११६ मत पाइन् ।

सचिवमा आनन्दकुमार सरदारले १२६ मत ल्याएर निर्वाचित हुँदा उनका प्रतिस्पर्धी सुनिल कामतले १०८ मत ल्याए । सह–सचिवमा ओमप्रकाश यादवले १३८ मत ल्याएर निर्वाचित भए । उनका प्रतिस्पर्धीले पर्वत कार्कीले १०७ मत पाए । कोषाध्यक्षमा चन्दन यादवले १४३ मत ल्याएर विजय भए । उनका प्रतिस्धर्पी विष्णुप्रसाद शर्माले १०३ मत ल्याए ।

यसैगरी सदस्यहरूमा विधालक्ष्मी सुवेदीले १४८, डा. भुपेशमान राजभण्डारीले २०४, बावुराम गौतमलले १७०, रमेशकुमार राजवंशीले १५४, जितनारायाण चौधरीले १५५, विजय डोमले १४०, सुवास निरौलाले १५९, सविना चौधरीले १८१, मोहनप्रसाद पौडेलले १५२, अनिलकुमार झाले १३६, चन्देश्वर साहले १५३, यशोदा तामाङले १५०, गंगादेवी कर्कीले १५६ मत ल्याएर निर्वाचित भए ।

कोशी अस्पताल विकास समिति कर्मचारी युनियन इकाइमा ३३० जना मतदाता आवद्ध रहेका छन् । ३३० मा २७३ मत खसेको थियो । कोशी अस्पताल विकास समितिले नियुक्त गरेको कर्मचारीहरु इकामा आवद्ध रहेका छन् ।

यो खबर पढेर तपाईलाई कस्तो महसुस भयो ?

तपाईको प्रतिक्रिया

*

फोटो फिचर