RUMPUM
animated ellipse animated ellipse

विराटनगर महानगरको आयोजनामा राष्ट्रपति रनिङ शिल्ड प्रतियोगिता सुरु

KhabarPurwanchal-Logo

खबर पूर्वाञ्चल

३ माघ २०८०, बुधबार १७:५३
405
Shares
विराटनगर / विद्यालयस्तरदेखि नै खेलाडी उत्पादन गर्ने उद्देश्यले विराटनगर महानगरपालिकाको आयोजनामा बुधबारदेखि १६ औं राष्ट्रपति रनिङ शिल्ड प्रतियोगिता सुरु भएको छ ।

प्रतियोगिताको महानगरका मेयर नागेश कोइरालाले उद्घाटन गरे । उद्घाटन समारोहलाई सम्बोधन गर्दै मेयर कोइरालाले प्रतियोगिताले खेलाडी उत्पादनमा सहयोग पुग्ने विश्वास व्यक्त गरे । उनले कक्षागत पाठ्यक्रम अध्ययनसँगै अतिरिक्त क्रियाकलापमा पनि ध्यान दिन विद्यार्थीहरूलाई आग्रह समेत गरे । खेलकुदले शारीरिक र मानसिक विकाससँगै व्यक्तिलाई अनुशासित बनाउन सहयोग गर्ने उहाँको भनाइ थियो । मेयर कोइरालाले सीमित स्रोत र साधनका बाबजुत पनि महानगरले विराटनगरवासीको सर्वाङ्गिण विकासमा ध्यान दिएको बताए ।

“महानगरपालिकासित सीमित स्रोत–साधन छ । त्यही सीमित स्रोत र साधनबाट धेरैभन्दा धेरै काम गर्नुपरेको छ,” उनले थपे , “त्यसमध्ये खेलकुद पनि एउटा क्षेत्र हो । खेलकुदको विकासका लागि महानगरपालिका गम्भीर छ ।”

कार्यक्रममा उपमेयर शिल्पा निराला कार्कीले खेलकुदले मानिसलाई अनुशासित बनाउन सिकाउने बताइन् । उनले महानगरले आयोजना गरेको प्रतियोगिताबाट भविष्यमा राष्ट्रिय तथा अन्तर्राष्ट्रिय खेलाडी उत्पादन हुने विश्वास व्यक्त गरिन् । त्यस्तै प्रमुख प्रशासकीय अधिकृत राजेन्द्र पराजुली, सामाजिक विकास समितिका संयोजक काजीबहादुर बस्नेत, वडा नम्बर ११ का अध्यक्ष तीर्थेन्द्र नेउपाने, जिल्ला शिक्षा समन्वय इकाई मोरङका प्रमुख टंक गौतम, सहभागी विद्यालयहरूका तर्फबाट मिल्स माविका प्रधानाध्यापक विन्दुकुमार लावती, प्रतियोगिताको संयोजनको जिम्मेवारी प्राप्त जनपथ माविका प्रधानाध्यापक तथा आयोजक समितिका सदस्यसचिव हरिप्रसाद पराजुलीलगायतले शुभकामना मन्तव्य व्यक्त गरे ।

प्रतियोगितामा निजी तथा सामुदायिक गरि ४३ वटा विद्यालयको सहभागिता रहेको छ । प्रतियोगितामा भलिबल, कबड्डी, एथलेटिक्स, उसु, तेक्वान्दो र कराँते खेलमा १ हजार ५ सय जना विद्यार्थीले प्रतिस्पर्धा गर्नेछन् ।

प्रतियोगिताका विजेता खेलाडीहरूले अन्तरपालिकास्तरीय प्रतियोगितामा प्रतिस्पर्धा गर्न पाउने महानगरपालिकाको शैक्षिक प्रशासन महाशाखाकी अधिकृत तारा शर्माले जानकारी दिए । प्रतियोगिता माघ ५ गते शुक्रबारसम्म सञ्चालन हुनेछ ।

यो खबर पढेर तपाईलाई कस्तो महसुस भयो ?

तपाईको प्रतिक्रिया

*

फोटो फिचर