राष्ट्रसेवक साकोसको २५ औं साधारण सभाको अवसरमा विभिन्न सम्मान

सहकारीका अध्यक्ष जीवन काफ्लेको अध्यक्षता तथा नेपाल निजामती कर्मचारी संगठनका केन्द्रीय अध्यक्ष लेखनाथ कोईरालाको प्रमुख आतिथ्यतामा सम्पन्न भएको साधारण सभामा सहकारीका अध्यक्ष काफ्लेले सहकारीको बार्षिक प्रगति प्रतिवेदन प्रस्तुत गरेका थिए ।

प्रस्तुत प्रतिवेदनका अनुसार सहकारीले आर्थिक बर्ष २०७९/८० मा ३३ करोड ७३ लाख ०६ हजार १२१ रुपैयाको कारोबार गरेको छ भने आर्थिक बर्ष २०८०÷०८१ मा ४४ करोड ७२ लाख ६६ हजार ७ सय रुपैयाको कारोबार गर्ने लक्ष्य राखेको छ ।

सहकारीले ४ करोड ८१ लाख ५ हजार ९ रुपैया आम्दानी गरेको छ भने ३ करोड ५२ लाख ६१ हजार ६८२ रुपैया खर्च गरेको छ ।

त्यसैगरी शेयरपूँजी ६ करोड १७ लाख ८६ हजार ३ सय रहेको छ भने कोष हिसाब २ करोड ८६ लाख ५४ हजार ७११ रुपैया ३१ पैसा रहेको छ । सहकारीको निक्षेप २८ करोड ९५ लाख २७ हजार ७४८ रुपैया ०४ पैसा रहेको प्रतिवेदनमा उल्ल्ेख छ । सहकारीले २८ करोड ४८ लाख ७१ हजार ५४० रुपैया ऋण लगानी गरेको छ ।
सहकारीको २ करोड ७७ लाख ५७ हजार १९० रुपैया बराबरको स्थिर सम्पति रहेको छ भने जसमध्ये घरजग्गा २ करोड ६९ लाख ५६ हजार ९६२ रुपैया रहेको छ । सहकारीमा १८ सय २६ जना शेयर सदस्य रहेका छन् ।

कार्यक्रममा कोल्दै कार्यक्रमका प्रमुख अतिथि लेखनाथ कोईरालाले राष्ट्रसेवक सहकारी सहकारीको निति नियममा रहेर सञ्चालन भएका कारण विषम् परिस्थितिमा पनि हलचल नभएको बताए । सहकारीको देखिएका विभिन्न समस्याका कारण सहकारीप्रति वितृष्णा बढीरहेको अवस्थामा राष्ट्रसेवक सहकारीले भने निरन्तर रुपमा सदस्यको मन जित्न सफल भएको उल्लेख गरे । सवैभन्दा जेठो राष्ट्रसेवक सहकारीको रुपमा स्थापित सहकारी मोरङको रहेकाले सबैको उदाहरणीय बन्नुपर्नेमा उनले जोड दिए । निति नियम सञ्चालन भएका सहकारीमा जस्तोसुकै परिस्थितिमा पनि समस्या नआउने उनको भनाई थियो ।
साधारण सभाको अवसरमा विभिन्न सम्मान
सहकारीले आफ्नो २५ औं साधारणसभाको अवसरमा विभिन्न व्यक्तिहरुलाई सम्मान गरेको छ । १५ हजार ५५५ रुपैया राशिको स्व. किशोरी खतिवडा स्मृति पुरस्कार पूर्व सासंद तथा साहित्यकार कुन्ता शर्मालाई प्रदान गरेको छ ।

त्यसैगरी रुपनारायण अधिकारीलाई ११ हजार ५५० रुपैया राशिको स्व. दधिराम दाहाल स्मृति पुरस्कार प्रदान गरिएको छ भने सहकारीकर्मी नरबहादुर कार्कीलाई ११ हजार ५५५ रुपैया राशिको स्व. हिरणकुमार थापा स्मृति पुरस्कार प्रदान गरिएको छ ।

त्यस्तै सहकारी अभियान्ता तथा राष्ट्रिय सहकारी बैंकका प्रदेश प्रमुख प्रभु पोखरेललाई पनि सम्मान गरिएको छ । सहकारीले ८० बर्षका ज्येष्ठ सदस्य दुन माझीलाई नगद ५ हजार सहित सम्मान गरेको छ ।
साधारण सभामा ग्याँस व्यवसायमा महत्वपूर्ण सहयोग गर्ने फेमस चाट हाउसका प्रोपाइटर आनन्दभूषण खड्कालाई पनि सम्मान गरेको छ । सहकारीले ७५ बर्ष पुरा भएका जेष्ठ सदस्यलाई बार्षिक रुपमा औषधिखर्च बापत २ हजार दिने निति अनुरुप ७५ बर्ष पुरा भएका जेष्ठ सदस्यहरुलाई सम्मान स्वरुप २ हजार रुपैया प्रदान गरेको छ ।

सहकारीले मुख्य कार्यक्रमका रुपमा खाना पकाउने एलपि ग्याँसको विक्री, परिवार राहत कार्यक्रम, अक्षयकोष स्थापना र सम्मान, सहकारी अध्ययन तथा सूचना केन्द्रको पूर्वाधार निर्माण र संचालन, अनलाईन सफ्टवेयर मार्फत संस्थाको कारोबार, मोबाइल एप्लीकेशन संचालन गरिरहेको बार्षिक प्रगति प्रतिवेदनमा उल्लेख गरिएको छ ।

बचत संकलन (व्याजदर ६–११ प्रतिशत) र ऋण लगानी (व्याजदर १०–१२ प्रतिशत) कायम गरेको छ ।
त्यस्तै सहकारीले सामाजिक सांस्कृतिक कार्यहरुमा ज्येष्ठ सदस्य सपोर्ट, अवलोकन भ्रमण, तीज कार्यक्रम, वनभोज कार्यक्रम, स्वास्थ्य सचेतना कार्यक्रम, विद्यार्थ सम्मान तथा पुरस्कार, फरक क्षमता भएका र वृद्धाश्रममा रहेकाहरुलाई सहयोग, ज्येष्ठ सदस्य सम्मान तथा आवासग्रामको सम्भाव्यता अध्ययन लगायतका कार्यक्रम सञ्चालन गरिरहेको छ ।