हात्ती आक्रमणबाट मृत्यु भएकाको परिवारलाई क्षतिपूर्ति दिन मन्त्री उप्रेतीको निर्देशन

सोमबार हात्तीको आक्रमणमा परी ज्यान गुमाएका मोरङको लेटाङ(३ का कमल माझीको घरमा समवेदना दिन पुगेका मन्त्री उप्रेतीले तत्काल क्षतिपूर्ति दिन निर्देशन दिएका हुन् ।

उनले ५ दिनभित्र क्षतिपूर्ति उपलब्ध गराउन सम्बन्धित सरोकारवालालाई निर्देशन दिए ।

‘कानुनमा ३० दिनभित्र भनिएपनि मुचुल्का उठाउने काम २ दिनको हो । बाँकी प्रक्रियामा जाँदा ५ दिनभित्र काम सकिन्छ । ३० दिन कुर्नैपर्ने आवश्यकता छैन,’ उनले भने, ‘जनतालाई सरकारको अनुभुति दिलाउने दायित्व हाम्रै हो । त्यसैले ढिलासुस्ती नगरौं । हामीले के गर्नुपर्छ रु गर्छौँ ।’

परिवारसँग भेट्ने क्रममा मन्त्री उप्रेतीले उनीहरुलाई किरिया खर्च बापत ५० हजार रुपैयाँ रकम समेत उपलब्ध गराएका छन् ।

उनले प्रदेश सरकारबाट सिर्जना हुने रोजगारीमा पीडित परिवारका सदस्यलाई प्राथमिकतामा राखिने प्रतिबद्धता समेत व्यक्त गरेका छन् ।