उदाउँदै गरेको सूर्यलाई अर्घ दिएर सकियो छठ(फोटो फिचर)

शुक्रबार ‘नहाय–खाय’सँगै सुरु भएको चार दिवसीय पर्वको चौथो तथा अन्तिम दिन आज श्रद्धालु तथा भक्तजनहरुले उदाउँदै गरेकोे सूर्यलाई अर्घ दिएर सम्पन्न भएको हो ।

विराटनगरको सिंघिया खोला, केसलिया खोला,सुनसरी मोरङ सिचाइ आयोजनाको नहरलगायतको पोखरीसहित र जलादलगायतका नदीहरुमा हजारौं श्रद्धालुले उदाउँदो सूर्यलाई अर्घ प्रदान गरेका थिए । व्रतालुहरु शुक्रबार पवित्र जलाशयहरुमा स्नान गरी चोखो खानेकुरा खाएका थिए ।

पर्वको दोश्रो दिन शनिबार व्रतालुहरु दिनभरि उपवास बसी राति गुलीयो पूरी, खीर, नून नहालेको तरकारी खाए । जसलाई स्थानीय भाषामा ‘खर्ना’ भनिन्छ । खर्नापछि निराहार व्रत बसेका व्रतीश्रद्धालुहरुले सूर्यदेवलाई ठेकुवा, भुसवा, केरा, नरिवल, अदुवा, फलफूल, मिठाइलगायतका प्रसाद अर्पण गरेका छन् । खर्नापछि निराहार व्रत बसेका व्रर्तालुहरुलेआईतबार अस्ताउँदै गरेको सूर्यको पूजा गरेका थिए ।तस्वीरहरु पुष्पराज थपलिया