खबर पूर्वाञ्चल
लिगकम नकआउट आधारमा भएको पहिलो खेलमा वाइआरसिसी क्रिकेट क्लब विराटनगरलाई ७ विकेटले पराजित गर्दै राष्ट्रिय टोलीका खेलाडीले भरिएको आर्मीले प्ीतयोगितामा पहिलो जित निकालेको होे ।
विराटनगर जुटमिलको खेल मैदानमा भएको खेलमा १ सय ५६ रनको विजय लक्ष्य पछ्याएको आर्मीले १५ दशमलव १ बलमा ३ विकेट गुमाई पुरा गर्यो । आर्मीका बसीर अहमदले बिस्फोट ब्याटिङ गर्दै टिमको जितको आधार तय गरेको छ । उनले ३३ बलमा ६ चौक्का र १ छक्का प्रहार गर्दै ४४ रनमा अविजित रहे । उनी खेलको म्यान अफ द म्याचसमेत घोषित भए ।
त्यस्तै हरी चौहानले ३८ रनबनाउँदा सन्दिप रजाइले ३६ रन र राजेश पुलामीमा २४ रन अविजित रहे ।
वाइआरसीसीका भमस्पती सहनीले २ विकेट लिँदा हर्ष भट्टले १ विकेट लिए ।
यस अघि टस जितेर ब्याटिङ गरेको वाइआरसीसीले निर्धारित २० ओभरको खेलमा १९ दशमलव ५ बलमा सवै विकेट गुमाई १५५ रनमा समेटियो । वाइआरसीसीका सोनु अन्सारीले ३७ ६ छक्का र ४ चौक्का प्रहार गर्दै ६० रन बनाउँदा अभिषेक चौधरीले ३१ रन सिद्धान्त लोहनीले २८ रन बनाए ।
आर्मीका जितेन्द्र मुखियाले ३ विकेट लिँदा बिक्रम सोब, सुमि श्रेष्ठले समान २–२ विकेट लिए भने आकाश चन्द र नरी चौहानले समान १–१ विकेट लिए ।
दोस्रो खेलमा एपीएफले भारत विहारको राहुल ११ नरपथगञ्जललाई ५ विकेटले पराजित गर्दै लगातार दोस्रो जित हात पार्दै उपाधि नजिक पुगेको छ ।
१३९ रनको विजय लक्ष्य पछ्याएको एपीएफले १८ दशमलव २ बलमा ५ विकेटे गुमाइ पूरा गर्यो । एपीएपका म्यान अफ द म्याच विपिन खत्तीले अविजित ४० रन बनाउँदा प्रदिप ऐरीले २५ रन र अमर सिंहले अविजित २२ रनको योगदान दिएका थिए । नरपथगञ्जका अमर यादवले सर्वाधिक ३ विकेट लिए ।
यस अघि टस जितेर ब्याटिङ गरेको नरपथगञ्जका निर्धारित २० ओभरको खेलमा १९ ओवरमा सवै विकेट गुमाई १ सय ३८ रनमा समेटियो । नरपथगञ्जका अभिशेक पाठकले सर्वाधिक ४६ रनको योगदान दिए । एपीएफका यज्ञमान कार्की,अमर सिंङ, पुरन कार्की र त्रिलोक विकले २–२ विकेट लिए । बुधबारको पहिलो खेल वाइआरसीसी र नरपथगञ्जबीच हुनेछ । सोही दिन हुने दोस्रो खेलमा आर्मी र एपीएफ बिच हुनेछ ।
