ज्येष्ठ नागरिक सामुदायिक भवनमा योग शिविर

ज्येष्ठ नागरिक योग तथा साधना केन्द्रको आयोजना सञ्चालित शिविरमा योग प्रशिक्षक शोभा कोइरालाले योगका विभिन्न पक्षका बारेमा जानकारी दिए । शिविरको विराटनगर–११ का वडाध्यक्ष तीर्थेन्द्र नेउपानेले उद्घाटन गरे । कार्यक्रमका प्रमुख अतिथिसमेत रहेका वडाध्यक्ष नेउपानेले योगलाई अझै व्यापक बनाउँदै लग्नुपर्नेमा जोड दिए ।

उनले सामुदायिक भवनमा हरेक दिन योग सञ्चालन गरिने बताए । सो अवसरमा ज्येष्ठ नागरिक सामुदायिक भवनका अध्यक्ष ललित श्रेष्ठ, उपाध्यक्ष यादनरसिंह कार्की, कोषाध्यक्ष भरत कार्की, समाजसेवी चिरञ्जीवि दाहाल, महिला स्वयमसेविका तुलसा भट्टराई, सामुदायिक भवनका सूचना अधिकृत इन्द्र खतिवडा, योग प्रशिक्षक निलम आचार्यसहित सहभागीका तर्फबाट राम कोइरालाले मन्तव्य व्यक्त गरे ।