प्रदेश १ का मुख्यमन्त्री कार्कीले उद्घाटन गरेपछि सुरु भयो प्याब्सन स्पोर्ट्स मिट

खबर पूर्वाञ्चल, ६ माघ २०७९, शुक्रबार १८:०२
360
Shares

विराटनगर / प्रदेश १ का मुख्यमन्त्री हिक्मत कार्कीले योजनाबद्ध तरिकाले खेलकुद क्षेत्रको विकासमा प्रदेश १ सरकार लागि परेको बताएका छन् ।

आज विराटनगरमा १२ औं संस्करणको प्याब्सन स्पोर्ट्स मिटको उद्घाटन गर्दै सो कुरा बताएका हुन् । खेलकुद महत्पूर्ण क्षेत्र भएकोले यसको विकासमा सरकार लागि पर्ने बताए ।

विराटनगर महानगरपालिका प्रमुख नागेश कोइरालले निजी क्षेत्रसँग सहकाय गरी खेलकुद क्षेत्रको विकासमा स्थानीय सरकार लागि पर्ने बताए ।

कार्यक्रममा प्याब्सनका केन्द्रीय प्रमुख सल्लाहकार तथा निर्वतमान अध्यक्ष टिकारम पुरीले विद्यालयस्तरदेखि खेलकुद क्षेत्रको विकास निजी क्षेत्र लागि परेको बताए ।

मोरङका प्रमुख जिल्ला अधिकारी काशिराज दाहालले तीन तहको सरकारले खेलकुद क्षेत्रको विकासमा लागिपर्नुपर्ने बताए ।

आजबाट विराटनगरस्थित सहिद मैदानमा प्याब्सन स्पोर्ट्स मिटको मुख्यमन्त्री कार्कीले उद्घाटन गरेपछि औपचारिक रूपमा सुरू भएको हो ।

माघ ६ देखि ८ गतेसम्म संचालन हुने प्याब्सन स्पोर्ट्स मिटमा एक दर्जन खेलहरू समावेश गरिएको प्याब्सन मोरङको अध्यक्ष शितला सुब्बाले जानकारी दिइन् । स्पोर्ट्स मिटमा फुटबल, भलिबल, टेबलटेनिस, बास्केटबल, एथलेटिक्स, म्याराथुन, सटपुट, थ्रिपल जम, हाइजम, लङजम, दौडलगायतका खेलहरू रहेको छ । फुटबल जुट मिलको खेलमैदानमा अन्य खेलहरू विराटनगरस्थित सहिद मैदान, एभरेष्ट स्कुलको मैदानमा अहिले जारी छ ।

फुटबलमा मात्र १६ वटा विद्यालयले भाग लिएको छ । फुटबलमा कक्षा ११ र १२ का विद्यार्थी खेलाडीहरू सहभागि छन् ।

स्पोर्ट्स मिटमा मोरङ जिल्लाभरीका २२० वटा प्याब्सनमा आवद्ध विद्यार्थीहरूले भाग लिनेछन् । स्कुल तहदेखि खेलाडीहरू उत्पादन गर्ने उद्देश्यले प्याब्सनले स्पोर्ट्स मिट गर्दै आएको अध्यक्ष सुब्बाले बताइन् ।

यो खबर पढेर तपाईलाई कस्तो महसुस भयो ?

तपाईको प्रतिक्रिया

*

खबर पूर्वाञ्चल मिडिया प्रालीद्वारा सञ्चालीत खबर पूर्वाञ्चल डट कम
सञ्चालक तथा प्रवन्धक निर्देशक:
पुष्पराज थपलिया
सम्पर्क नं. ९८५२०२९८२२, ९८०७०६१९९२
Email: khabarpurwanchal6600@gmail.com
सम्पादक – डिल्ली पोखरेल, ९८५२०२२३९२
सुचना तथा प्रसारण विभाग दर्ता नं. ०७५७/०७४/७५