प्याब्सन विराट कपको फाइनलमा मदरल्याण्ड र डनबस्को

विराटनगरस्थित सहिद मैदानमा आज भएको पहिलो खेलमा मदरल्याण्ड एकाडेमीले सेन्टजोसेफ स्कुललाई २–१ गोलले पराजित गरी मदरल्याण्ड फाइनलमा पुगेको हो ।

मदरल्याण्डका रोहन खड्काले खेलको १६ औं मिनेटमा फि–किकबाट गोल गर्दै टिमलाई अग्रता दिलाए । उनले गोल गरेको ६ मिनेट बित्न नपाउँदै सेन्टजोसेफका निसद सिटौलाले हेडिङबाट उत्कृष्ट गोल गर्दै खेल बराबरीमा ल्याए । पहिलो हाफसम्म १÷१ गोलको बराबारी भयो । दोस्रो हाफदेखि दबावमा राखेको मदरल्याण्डले खेलको २८ औं मिनेटमा सन्दिप अधिकारीले डिबक्स भित्रबाट वान भर्सेस वानको प्रहार जाली चुम्यो । उनले गरेको गोलले मदरल्याण्डलाई फाइनलमा पु¥यायो । प्रतियोगिताको म्यान अफ द म्याच मदरल्याण्डका सन्दिप अधिकारी घोषित भए ।

सोही दिन भएको दोस्रो सेमिफाइनल खेलमा डनबस्को स्कुलले अर्पण स्कुललाई २–१ गोलले पराजित गरी डनबस्को स्कुल फाइनलमा पुगेको हो । सुरूवातदेखि डनबस्को स्कुलले एकपक्षीय खेल पस्कियो । खेल सुरू भएको २८ औं मिनेटमा डनबस्को स्कुलका प्रशान्त खड्काले गोल गरी टिमलाई अग्रता दिलाए । पहिलो हाफसम्म १–० गोलले अग्रता लिएको डनबस्को स्कुलका तनुज राजवंशीले ३५ औं मिनेटमा दोब्बर बनाएर टिमको फाइनल यात्रा सुरक्षित गरे ।

खेलको ५४ औं मिनेटमा अपर्ण स्कुलका सुयोज अर्याललले सान्तवना गोल फर्काए । खेलको म्यान अफ द म्याच डनबस्को प्रशान्त खड्का म्यान अफ द म्याच घोषित भएका छन् ।

प्याब्सन विराटनगरले आयोजना गरेको प्रतियोगिता पुस १ देखि सुरु भएको प्रतियोगितामा विराटनगरका निजी विद्यालयका २८ वटा विद्यालयले भाग लिएकोे खेल संयोजक संयोजक नन्दलाल मण्डलले जानकारी दिए ।