भोली विहान ९ बजेबाट साँझ ४ बजेसम्म रोजगार मेला सुरु हुने भएको हो ।
कटहरी गाउँपालिका, उद्योग वाणिज्य महासंघ प्रदेश १ को आयोजना तथा अन्तर्राष्ट्रिय श्रम संगठन आइएलओ बेलकम होम परियोजनाको सहयोगमा रोजगार मेला आयोजना गरिएको आइतबार पत्रकार सम्मेलन गरी जानकारी गराएको छ ।
रोजगार मेलामा रोजगारदातासँग रोजगार खोजिरहेका युवाहरुलाई जोड्ने लक्ष्य राखिएको छ । रोजगारको खोजीमा रहेका युवाहरुले यहाँ सहभागी हुँदा रोजगारदातासँग प्रत्यक्ष संवाद गर्न र आफ्नो अनुभव तथा क्षमतामार्फत छनौट हुन पाउने अवसर प्राप्त गर्ने कटहरी गाउँपालिकाका अध्यक्ष देवराज चौधरीले जानकारी दिए । रोजगार मेलामा सीप र दक्षता अनुसार वेरोजगार युवाहरूले रोजगार पाउने उनले बताए । एक दिने मेलामा २ हजार ५ सय जनाको सहभागिता रहनेछ ।
‘बेरोजगार युवाहरुले विभिन्न उद्योग तथा व्यवसायमा रोजागरी प्राप्त गर्नेछन् । उद्योग तथा व्यवसायीहरुको उपलब्ध जनशक्ति बारे जानकारी पाउनेछन््,’ उनले भने, ‘रोजगार मेलामा तीन दर्जन बढी उद्योगका प्रतिनिधीहरूको प्रत्यक्ष रूपमा सहभागि हुनेछन् । ’ कटहरी गाउँपालिका भित्र मात्र ६५ वटा उद्योग रहेको छ । यहाँ सूचि दर्ता गर्ने १ हजार २ सय भन्दा बढी युवाले रोजगार मेलाबाट रोजगारी पाउने अपेक्षा राखिएको छ ।
तपाईको प्रतिक्रिया