खबर पूर्वाञ्चल
मुख्य निर्वाचन अधिकृतको कार्यालयका सूचना अधिकारी हेमबहादुर बुढाथोकीका अनुसार ६ वटै निर्वाचन क्षेत्रमा सर्वदलीय बैठक भइरहेको हो । बैठक विहान ८ बजेदेखि सुरु भएको थियो । सर्वदलीय सहमति जुटाउन आह्वान गरिएको बैठक सकिएपछि गणना सुरु हुने बुढाथोकीले बताए ।
उनका अनुसार सबै निर्वाचन क्षेत्रको मतगणना विहान १० देखि ११ बजेसम्ममा सुरु हुने सम्भावना छ । क्षेत्र नम्बर १ को मतगणना उर्लाबारी नगरपालिकाको कार्यालय, २ को रतुवामाई नगरपालिकाको विश्वनाथ मन्दिर र ३ को बेलबारीस्थित भगवती माध्यमिक विद्यालयमा गणना हुने छ । त्यस्तै क्षेत्र नम्बर ४, ५ र ६ को मतगणना विराटनगरको आदर्श विद्यालयमा हुने छ ।
