दाङका वाईसीएल नेता बस्नेतको घरमा गएर श्रीमती र छोरीमाथि हातपात गरेकी राज्यमन्त्री वलीको पद चैट

वलीले आफ्नो राजीनामा मुख्यमन्त्री कुलप्रसाद केसीलाई बुझाएको नेकपा (माओवादी केन्द्र)का प्रमुख सचेतक तुलाराम घर्तीले जानकारी दिए ।

गएको जेठ ३१ गते नेता बस्नेतको घरमा गएर वलीले उनकी श्रीमती र छोरीलाई हातपात गरेको आरोपपछि त्यसबारे छानबिन गर्न सरकारले समिति गठन गरेको थियो । छानबिन समितिलाई सघाउन उनले राजीनामा दिएको लुम्बिनी सरकारका प्रवक्ता एवं छानबिन समितिका संयोजक मन्त्री तिलकराम शर्मालाई उदृत गर्दै घर्तीले जनाए ।

श्रीमान उत्तरकुमार वलीको सडक दुर्घटनामा परी मृत्यु भएपछि दाङ क्षेत्र नम्बर ३ ‘ख’मा भएको उपनिर्वाचनमा उनी तत्कालीन नेकपाबाट विजयी भएकी थिइन् ।