खबर पूर्वाञ्चल
आज मोरङको निमुवामा आयोजित पत्रकार सम्मेलनमा सरदारले निर्वाचन प्रतिवद्धता सार्वजनिक गर्दै यस क्षेत्रमा रहेका रोजगारीमूलक उद्योगहरुलाई विशेष सहुलियत र करमा समेत छुट दिने जानकारी दिए ।
सार्वजनिक ३३ बुंदे प्रतिवद्धतामा पत्र अनुसार पालिकामा थारु संग्राहलय, होम स्टे निर्माण गर्ने, महिलालाई उच्च शिक्षामा छात्रवृत्ति प्रदान गर्ने उल्लेख छ । उनले स्वास्थ्यमा जनताको पहुँच, रोजगार सिर्जना गर्ने तथा घरनक्सा पासमा आवश्यक अनुगमन गरि व्यवस्थिति वसोबासको चाँजोपाँजो मिलाउने र वुढीनदीको कारण जोखिममा परेका वस्तिलाई जोगाउन नदीमा तटवन्धन निर्माण कार्यक्रम ल्याउने जानकारी दिए ।
सोही अवसरमा उपाध्यक्षका प्रत्यासी उम्मेदवार तुलसी कुंवर विष्टले शिक्षकलाई मासिक रुपमा तलव भुक्तानीको व्यवस्था गर्ने,जनप्रतिनिधिले जनताको गुनासो सुन्ने व्यवस्था गर्ने र पालिकाका सार्वजनिक वडापत्र जारी गर्ने प्रतिवद्धतामा व्यक्त्त गरे ।
कार्यक्रममा नेकपा एमालेका केन्द्रीय सदस्य सत्यनारायण चौधरी र सात वटै वडाका अध्यक्षका उम्मेदवारहरुको उपस्थिति रहेको थियो ।
