मधेशको समस्या मधेशको मात्र नभएर सबैको साझा समस्या हो : प्रदेश प्रमुख खापुङ्ग

आज विराटनगरमा एक कार्यक्रमको आयोजना गरि प्रदेश प्रमुख खापुङ्गलाई आयोगका सदस्य रेणुदेवी साहले नेपालको संविधानको धारा २९४ एवं मधेशी आयोग ऐन २०७४ को दफा २२ बमोजिम आव २०७७÷७८ मा सम्पादन गरेको कामसँग सम्बन्धित तेस्रो बार्षिक प्रतिवेदन हस्तान्तरण गरेकी हुन् ।

प्रदेश प्रमुख खापुङ्गले मधेशको समस्या मधेशको मात्र नभएर सबैको साझा समस्या भएकाले देश, सरकार , समाजले एकजुट भएर समाधान गर्नुपर्ने बताए । उनले आयोगले आफ्नो दायित्व जिम्मवारीपूर्वक निभाएकोमा प्रशंसा व्यक्त्त गर्दै यस क्षेत्रको समस्यामा समाधान लागि सम्पूर्ण राष्ट्रिय एकतावद्ध भएर अगाडि वढ्नु पर्नेमा जोड दिए ।
प्रतिबेदन निर्माणले आयोगलाई बलियो बनाएको चर्चा गर्दै प्रदेश प्रमुख खापुङ्गले विधिधतामा एकता कायम गरी अखण्ड नेपाललाई सुदृढ गरी मुलुकको आर्थिक समृद्धि र विकास निर्माणमा अगाडि वढ्नु अहिलेको आवश्यक्ता रहेको बताए ।