खबर पूर्वाञ्चल
विराटनगरमा आईतबार सम्पन्न जिल्ला सहकारी संघको साधारणसभाबाट पोखरेल सरकारमा रहेको ५ गठबन्धनका विरेन्द्र यादवलाई २९ मतले पराजित गर्दै पुनः अध्यक्षमा निर्वाचित भएका हुुन् । पोखरेलले १५६ मत ल्याउँदा यादवले १२७ मत प्राप्त ल्याए । सहकारी संघको अध्यक्षमा निर्वाचित पोखरेल सहकारी संघ प्रदेश १ का अध्यक्ष पनि हुन् ।
त्यस्तै सहकारी संघको लेखा समिति संयोजकमा दुर्गाप्रसाद गौतम १४९ मत सहित विजयी भए । लेखासमिति संयोजकको अर्का उम्मेदवार गणेशप्रसाद निरौलाले १२३ मत ल्याउँदा गौतम २६ मतले विजयी भएका हुन् । यस्तै महिला सदस्यतर्फ सीता शर्मा दाहाल र संगिता दाहाल विजयी भइन् । सीता शर्माले १३९ र संगिताले १४१ मत प्राप्त गरिन् ।
यसैगरि मतदानमा महिला सदस्यका उम्मेदवार माया ओझाले १३३, तुलसी कुँवर बिष्टले ११० मत प्राप्त गरेका थिए । सञ्चालक समिति सदस्य खुलातर्फ भने कमलेश्वर ठाकुर, विजयकुमार सरदार, उमेश गुरुङ, जीवन काफ्ले, चन्द्रप्रसाद भट्टराई, प्रभात खड्का, ऋषिराज पौडेल, हेडम्बराज भट्टराई र मिराकुमारी दाहाल हिरा विजयी भएका छन् ।
अध्यक्षमा निर्वाचित पोखरेलले भने आफ्नो जित सम्पूर्ण सहकारी कर्मीहरुकोे जित रहेको बताए । उनले आगामी दिनमा संघका सदस्यको हितलाई ध्यानमा राख्दै अघि बढ्ने जानकारी दिए । सहकारी अभियानलाई बढीभन्दा बढी सदस्यमाझ पुर्याउनु सबैको साझा दायित्व हुनुपर्ने उनकोे भनाई थियो ।
आईतबारको साधारणसभामा भने अध्यक्ष बाहेकका पदाधिकारी सर्वसम्मत भएका थिए । बरिष्ठ उपाध्यक्षमा विजय माझी, महिला उपाध्यक्षमा पार्वता बराल, सचिवमा राकेश दाहाल, सह–सचिवमा युवराज भट्टराई र कोषाध्यक्षमा अमृत गुरुङ निर्विरोध निर्वाचित भएका थिए ।
