लागूऔषधसहित होटल सञ्चालक पक्राउ

खबर पूर्वाञ्चल, २४ आश्विन २०७८, आईतवार १७:३७

विराटनगर/ विराटनगरदेखि होटल सञ्चालकसहित एक जना लागूऔषधको कारोबारी पक्राउ परेका छन् ।

प्रहरीले विराटनगर महानगरपालिका १५ स्थित सायरा होटल सञ्चालक जहदा गाउँपालिका ७ घर भएका २८ बर्षीय रमेश साह लागूऔषधसहित पक्राउ गरेको हो ।

पक्राउ परेका साहले होटलमा लागूऔषध ल्याएर कारोबार गर्ने गरेको पाइएको छ । अवैध लागूऔषको कारोबार भइरहेको अवस्थामा इलाका प्रहरी कार्यालय रानी विराटनगरको टोलीले साहलाई पक्राउ गरेको मोरङ प्रहरीका प्रवक्ता डिएसपी दिपक श्रेष्ठले जानकारी दिए । साहको होटल सीमा नजिक पर्दछ । खुल्ला सीमाको फाइदा उठाउँदै उनले भारतदेखि अवैध लागूऔषध मगाउने र कारोबारी गर्ने गरेको प्रहरीले जनाएको छ ।

प्रहरीले चेकजाँचको क्रममा होटलबाट लागूऔषध डाइलेक्स डिसी १५ बोतल, नाईट्राभेट ४२ चक्की, स्पाम प्रोभोक्सन २४ चक्की, र गाँजा २४० ग्राम बरामद गरेको मोरङ प्रहरीले जनाएको छ । केही दिन अगाडी पनि इलाका प्रहरी कार्यालय बेलबारीले होटल संचालक सहित गाँजाको कारोबारी गर्नेलाई पक्राउ गरेको थियो । उल्लेखित दुई घटनाले होटलहरुमा लागूऔषधको कारोबारी हुने गरेको पुष्टि गर्दछ ।

त्यस्तै इप्रका बेलबारीले मोरङ केराबारी गाउँपालिका ७ डागी स्थितबाट ब्राउन सुगरसहित एक जनालाई पक्राउ गरेको छ । पक्राउ पर्नेमा सोही स्थानका ३० बर्षीय बिशाल लिम्बु रहेका छन् । प्रहरी टोलीले उनलाई ब्राउन सुगर १ ग्राम ९०० मिलिग्राम सहित पक्राउ गरेको हो । पक्राउ परेका उनलाई ईलाका प्रहरी कार्यालय बेलबारीबाट थप अनुसन्धान भईरहेको मोरङ प्रहरीले जनाएको छ ।

यो खबर पढेर तपाईलाई कस्तो महसुस भयो ?

तपाईको प्रतिक्रिया

*

MADHAV RAJ WAGLE
PABSON daisain

खबर पूर्वाञ्चल

खबर पूर्वाञ्चल मिडिया प्रालीद्वारा सञ्चालीत खबर पूर्वाञ्चल डट कम
सञ्चालक तथा प्रवन्धक निर्देशक:
पुष्पराज थपलिया
सम्पर्क नं. ९८५२०२९८२२, ९८०७०६१९९२
Email: pushpa.biratnagar@gmail.com
सम्पादक – डिल्ली पोखरेल, ९८५२०२२३९२
सुचना तथा प्रसारण विभाग दर्ता नं. ०७५७/०७४/७५