काँग्रेस विराटनगर महानगरपालिकाको सभापतिमा दिपक चापागाँई विजयी

खबर पूर्वाञ्चल, १७ आश्विन २०७८, आईतवार ०६:३९

विराटनगर /नेपाली काँग्रेस १४ औं महाधिवेशन अन्तर्गत विराटनगर महानगरपालिकाको सभापतिमा दिपक चापागाँई विजयी भएका छन् । शनिबार भएको अधिवेशनले आगामी कार्याकालका लागि दीपक चापागाईको नेतृत्व स्थापित गरेको छ ।

डाक्टर शेखर कोइराला निकट रहेका चापागाँईले आज विहान सार्वजनिक भएको मत परिणाम अनुसार निकटम प्रतिद्वन्द्वीलाई ४७ मत अन्तरले पराजित गर्दै महानगरको सभापति निर्वाचित भएका हुन् ।

चापागाईले २१२ मत प्राप्त गर्दा उनका निकटम प्रतिद्वन्द्वी देउवा समुहका सन्तोष न्योपानेले १ सय ६५ मत ल्याए । सभापतिका लागि ४ प्रतिस्पर्धीमध्ये अन्य प्रत्यासीहरूमा कृष्ण कार्कीले १ सय ३३ र अरुण न्यौपानेले १ सय २७ मत प्राप्त गरे ।

त्यसैगरी, विराटनगर महानगरसमितिको नवनिर्वाचित सभापति दीपक चापागाईको टिममा उपसभापति निरोज कोइराला र इन्दु सुवेदी, झुमा निरौला र तेजिन्द्र भट्टराई, सचिव तथा सचिन पोखरेल र दिवस नेपाल सहसचिवमा विजयी भएका छन् ।

शनिबार भएको नगरअधिवेशनमा ६ सय ८१ मतदातामध्ये ६ सय ६४ मत खसेको थियो । १७ जना मतदाता निर्वाचन प्रक्रियामा सहभागी भएनन् ।

यो खबर पढेर तपाईलाई कस्तो महसुस भयो ?

तपाईको प्रतिक्रिया

*

MADHAV RAJ WAGLE
PABSON daisain

खबर पूर्वाञ्चल

खबर पूर्वाञ्चल मिडिया प्रालीद्वारा सञ्चालीत खबर पूर्वाञ्चल डट कम
सञ्चालक तथा प्रवन्धक निर्देशक:
पुष्पराज थपलिया
सम्पर्क नं. ९८५२०२९८२२, ९८०७०६१९९२
Email: pushpa.biratnagar@gmail.com
सम्पादक – डिल्ली पोखरेल, ९८५२०२२३९२
सुचना तथा प्रसारण विभाग दर्ता नं. ०७५७/०७४/७५