मोटरसाईकलमा मृत भेटिए विराटनगरका एक पुरुष, हत्या गरि शव मोटरसाईकलमा राखिएको आशंका

खबर पूर्वाञ्चल, ५ श्रावण २०७८, मंगलवार ०७:३१

विराटनगर / विराटनगर ५ बिजुली अपिस अगाडि एक जना पुरुष मृत अवस्थामा शव भेटिएको छ ।

को ४ प २३१६ नम्बरको मोटरसाईकलमा सोमबार राति साढे ८ बजे विराटनगर ५ मुनालपथका ४८ वर्षिय सुदर्शन न्यौपानेको शव भेटिएको हो । मृतकका भतिजा सन्तोष न्यौपानेले कसैले हत्या गराएर मोटरसाइकल माथि राखिदिएको हुनसक्ने आशंका गरे । ‘मृतकको शरिरमा चोटपटक देखिएको छ । उनको कपडा च्यातिएको अवस्था छ । दाहिने हातमा चोट र रगतको टाटा देखिन्छ । पेन्ट पनि च्यातिएको अवस्थामा छ,’ प्रत्यक्षदर्शी सञ्चारकर्मी अनिल श्रेष्ठले भने, ‘आफन्तले हत्याको आशंका गरेका छन् ।’

मृतकको एक श्रीमती दुई छोरा र एक छोरी रहेको बुझिएको छ । घटना विषयमा थप अनुसन्धान भईरहेको मोरङ प्रहरीले जनाएको छ । घटनास्थलमा विराटनगर महानगरपालिकाका प्रमुख भीम पराजुली पनि पुगेका थिए ।

यो खबर पढेर तपाईलाई कस्तो महसुस भयो ?

तपाईको प्रतिक्रिया

*

MADHAV RAJ WAGLE
PABSON daisain

खबर पूर्वाञ्चल

खबर पूर्वाञ्चल मिडिया प्रालीद्वारा सञ्चालीत खबर पूर्वाञ्चल डट कम
सञ्चालक तथा प्रवन्धक निर्देशक:
पुष्पराज थपलिया
सम्पर्क नं. ९८५२०२९८२२, ९८०७०६१९९२
Email: pushpa.biratnagar@gmail.com
सम्पादक – डिल्ली पोखरेल, ९८५२०२२३९२
सुचना तथा प्रसारण विभाग दर्ता नं. ०७५७/०७४/७५