खबर पूर्वाञ्चल
को ४ प २३१६ नम्बरको मोटरसाईकलमा सोमबार राति साढे ८ बजे विराटनगर ५ मुनालपथका ४८ वर्षिय सुदर्शन न्यौपानेको शव भेटिएको हो । मृतकका भतिजा सन्तोष न्यौपानेले कसैले हत्या गराएर मोटरसाइकल माथि राखिदिएको हुनसक्ने आशंका गरे । ‘मृतकको शरिरमा चोटपटक देखिएको छ । उनको कपडा च्यातिएको अवस्था छ । दाहिने हातमा चोट र रगतको टाटा देखिन्छ । पेन्ट पनि च्यातिएको अवस्थामा छ,’ प्रत्यक्षदर्शी सञ्चारकर्मी अनिल श्रेष्ठले भने, ‘आफन्तले हत्याको आशंका गरेका छन् ।’
मृतकको एक श्रीमती दुई छोरा र एक छोरी रहेको बुझिएको छ । घटना विषयमा थप अनुसन्धान भईरहेको मोरङ प्रहरीले जनाएको छ । घटनास्थलमा विराटनगर महानगरपालिकाका प्रमुख भीम पराजुली पनि पुगेका थिए ।
