बैंकको एटिएम फोड्ने दुई पक्राउ

खबर पूर्वाञ्चल, १४ असार २०७८, सोमबार १५:२७

विराटनगर/ एनआइसी एसिया बैंकको एटिएम तोडफोड गरेको आरोपमा मोरङ प्रहरीले दुई जनालाई पक्राउ गरेको छ ।

मोरङ बुढिगंगा गाउँपालिका – २ टंकिसिनवारी स्थित सरस्वती खड्काको घरमा संचालनमा रहेको एनआइसी एसिया बैंकको एटिएम तोडफोड गरेको आरोपमा प्रहरीले आज दुई जनालाई पक्राउ गरेको हो ।

पक्राउ पर्नेमा सुनसरी दुहवी नगरपालिका – ९ का २४ वर्षिय मो. ईम्तियाज र सोही ठाउँका २५ वर्षिय मो. अनिष हुसेन रहेको मोरङ प्रहरीका डिएसपी मन्जिल मुकारूङले जानकारी दिए । उनीहरूले आज विहान २ ः४० बजे एटिएम बिभिन्न हाते औजार फलामको हतौडा, छिनो, पेच कसको सहायताले तोडफोड गरेको प्रहरीले जनाएको छ । उनीहरूले एटिएमको पैसाँ भने लुटन पाएनन् ।

‘तोडफोड गर्दै गरेको जानकारी पाएलगतै घटना स्थलमा प्रहरी पुगेको थियो । प्रहरीको सक्रियताको कारणले एटिएमको पैसाँ लुटन भने पाएनन,’ डिएसपी मुकारूङले भने ।

 

यो खबर पढेर तपाईलाई कस्तो महसुस भयो ?

तपाईको प्रतिक्रिया

*

खबर पूर्वाञ्चल

खबर पूर्वाञ्चल मिडिया प्रालीद्वारा सञ्चालीत खबर पूर्वाञ्चल डट कम
सञ्चालक तथा प्रवन्धक निर्देशक:
पुष्पराज थपलिया
सम्पर्क नं. ९८५२०२९८२२, ९८०७०६१९९२
Email: pushpa.biratnagar@gmail.com
सम्पादक – डिल्ली पोखरेल, ९८५२०२२३९२
सुचना तथा प्रसारण विभाग दर्ता नं. ०७५७/०७४/७५