खबर पूर्वाञ्चल
आज माइती नेपालले नेपाल पत्रकार महासङ्घ मोरङका पत्रकारहरुलाई कोरोना जोखिमबाट सुरक्षा प्रदानका लागि माक्स, सेनिटाइजरलगायतका स्वास्थ्य सामग्री प्रदान गरेको हो ।
माइती नेपाल मोरङका संयोजक विनोद पोखरेलले महासङ्घ मोरङका अध्यक्ष सन्जिव खनाललाई सञ्चारकर्मीहरुलाई वितरणका लागि उक्त्त सामग्री प्रदान गरेका हुन् । संयोजक पोखरेलले समाजमा अग्रपङतीमा रही कोरोना नियन्त्रणमा , रोकथाम लगायतका कार्य गर्ने पत्रकारहरुको समेत जोखिम कम गर्न केही सहयोग गर्न पाउँदा खुशी लगेको र आगामी दिनमा थप सहयोग गर्ने प्रतिद्धता व्यक्त्त गरे ।
महासङ्घका अध्यक्ष खनालले प्राप्त स्वास्थ्य सामाग्रीले सञ्चारकर्मीको केही जोखिम कम गर्न सहयोग पुगेको बताउँदै मोरङमा २१ जना पत्रकार सङक्रमित भएकोका मध्ये अहिले तीन जना होम आइशोलेसन र एक जना अस्पतालमा उपचार भैरहेको रहेको जानकारी समेत दिए ।
तपाईको प्रतिक्रिया