कोभिड १९ विरुद्धको खोपका विषयमा आएका समाचारप्रति सामाजिक विकास मन्त्रालयको ध्यानाकर्षण

खबर पूर्वाञ्चल, १७ जेष्ठ २०७८, सोमबार १५:२८

विराटनगर/ कोभिड १९ विरुद्धको खोपका विषयमा सामाजिक विकास मन्त्रालयलाई जोडेर आएका समाचारहरुप्रति मन्त्रालयले आफ्नो गंभिर ध्यानाकर्षण भएको जनाएको छ ।

गत जेठ १४ गते विराटनगर स्थित सिटी सिनेमा हलमा लगाएको खोपका विषयमा सम्बन्धित कार्यालय र संलग्न कर्मचारीहरुलाई सोधपुछ र सो विषयमा छानबिन प्रक्रिया शुरु गरिएको सामाजिक विकास मन्त्री उषाकला राईको स्वकीय सचिवालयले जनाएको छ । भयावह अवस्थामा खोप जस्तो विषय कसैले पनि र कुनै पनि निकायले दुरुपयोग गरिएको ठहरिएमा कानून बमोजिम दण्डनिय हुने कुरा स्वभाविक रहेको जारी गरिएको विज्ञप्तिमा उल्लेख छ । विज्ञप्तिमा भनिएको छ,‘ लापरबाही र अनुशासनहीन काम गरीएको ठहरिएमा मन्त्रालयले कारबाही गर्ने कुरामा विश्वास दिलाउन चाहन्छौं । ’

प्रदेश १ मा कोभिडशिल्ड खोपको पहिलो डोज लगाएर दोस्रो डोजको प्रतिक्षामा रहनु भएका व्यक्तिहरुलाई दोस्रो डोज लगाउन कोभिडशिल्ड नआएको कुरा यथार्थ रहेको विज्ञप्तिमा जनाईएको छ । अत्यन्त न्युन मात्रामा रहेको कोभिशिल्ड भ्याक्सिन फ्रन्टलाईनरलाई प्राथमिकताका आधारमा लगाउने गरी केही समय अगाडीनै सबैको निवेदन र मागपत्र सहित भ्याक्सिन स्वास्थ्य कार्यालय मोरङलाई दिएको प्रमुख स्वकीय सचिव विरेन्द्र मगरद्धारा जारी विज्ञप्तिमा उल्लेख छ ।

सम्पूर्ण नागरिकहरुलाई कोभिड–१९ विरुद्धको खोप उपलब्ध गराउने सरकारको पहिलो प्राथमिकता रहेको जनाईएको छ । सरकार सबै नागरिकको भएकाले सबैलाई खोप लगाउने र स्वास्थ्य सेवा र सुविधा पु¥याउने कुरामा जनतामा समर्पित भई विभेद रहीत ढंगले मन्त्रालयले सम्पूर्ण काम गरिने विज्ञप्तिमा जनाईएको छ ।

 

यो खबर पढेर तपाईलाई कस्तो महसुस भयो ?

तपाईको प्रतिक्रिया

*

NBC-2078
RBB-2078
Arniko
BHANU COLLEGE

खबर पूर्वाञ्चल

खबर पूर्वाञ्चल मिडिया प्रालीद्वारा सञ्चालीत खबर पूर्वाञ्चल डट कम
सञ्चालक तथा प्रवन्धक निर्देशक:
पुष्पराज थपलिया
सम्पर्क नं. ९८५२०२९८२२, ९८०७०६१९९२
Email: pushpa.biratnagar@gmail.com
सम्पादक – डिल्ली पोखरेल, ९८५२०२२३९२
सुचना तथा प्रसारण विभाग दर्ता नं. ०७५७/०७४/७५